Elelo lyondoolopa yaNgwediva lyu ungaunga naiikuthili yevi 74
Elelo lyOndoolopa yaNgwediva pomathimbo ngaka olya teya po uumbashu utano womuumbashu 74 waa na aantu, wa dhengelwa shaa li paveta molukanda lwaMandume mboka wa monika konima yomakonakono gakwalukehe.
Mongashingeyi, uumbashu inau tewa po otau ka kundathanwa oshoka mu wumwe omu na aantu. Pethimbo lyoshigongi shelelo shopomathimbo ngaka, ewiliko lyondoolopa olya kutha etokolo lya tule aantu yawo momapaandaanda, Omukuluntupithi gwelelo lyondoolopa yaNgwediva (CEO) Damian Egumbo a ti.
Moonkundathana dhomuule naNamibian Sun mEtine, Egumbo okwi ikala kutya otaa yanda okuteya po uumbashu, oshoka omumvo gwomahogololo.
Ashike, okwa ti otaa talulula ngele naa tule pamuthika olukanda ndoka aakalimo yi itendela omahala oshoka haayehe ye li mehala lya tendwa ko ndyoka lyo opalekwa kelelo lyondoolopa.
“Kashi nasha nomahogololo. Shampa twa mono uumbashu uupe ohatu ithana ooyene noku ya pula omatompelo gokutula mpoka. Yamwe yomaantu ya tembukila koMandume oye na nale omalukalwa ashike oye ya oshoka oya mono yalwe taa dhengele uumbashu noya dhiladhila otaa vulu okumona ehala ekwawo mpoka,” Egumbo a ti.
Okwa ti elelo olya totha mo nale mboka ye na omagumbo palwe, notaa ka pula oohandimwe mbaka ya dhengulule po uumbashu wawo itau tewa po.
Egumbo okwa ti yamwe mboka kaaye na mpoka taya yi oya tembudhilwa kolukanda lwaSky Phase One.
Okwa fatulula kutya pethimbo lyomakonakono gakwalukehe pokati 9-10 Juni 2024, aatungi mondoolopa oya ndhindhilike uumbashu wumwe tau dhengelwa molukanda lwaMandume.
Mo10 Juni okwa ti oya tseyithile omunambelewa gwomakwatathano ta kwathele, Penda Kashihakumwa naye mwene kutya otaa ka tula endhindhiliko kokambashu kutya ka ke li paveta.
“Etungo kehe lya tungwa mondoolopa pwaa na oplana yokutunga nenge eziminino lyelelo olya talika ko lyaa li paveta namwene gwalyo okwa tegelelwa kombelewa e ye a fatulule okutunga huka,” okwa ti.
Egumbo okwa ti wo mo11 Juni aanambelewa oya yi ya ka tsikile nokundhindhilika namupya munene nopwaa na eziminino lyombelewa yomukuluntupitithi nelelo oya longo oshinyangadhalwa shokuteya po omatungo naangoka gaa shi uumbashu.
“Nashi yele kutya oshinyangadhalwa shika inashi longwa paziminino lyelelo. Kumwe omatungo gatano taga tungwa oga tewa po. Mwene gumwe okwe ya noku li kutha po mwene,” okwa ti.
Egumbo okwa ti inaa vula okutotha mo kutya oolye ooyene yomatungo oshoka kape na ngoka e ya ta ti etungo olye.
Kakele, okwa ndhindhilikwa kutya koMandume omatungo ogendji oga tungwa natango.
“Momatungo moka omu na aantu onkene inaga tewa po. Ooyene oyi ithanenwe kombelewa ya ndhindhilikwe nawa. Itaa landulwa( hokololithwa) nande. Nelelo oli ipyakidhila nokukonga omikalo dhokuya tula pambelewa mehala moka ya tungila,” okwa dhenge omuthindo.
Ngashingeyi, mOngwediva omu na aantu 4 901 ye li momusholondondo gwokutegelela omalukulwa sigo okonena. Okwa ti oye na oongundu ndatu:
Aaniiyemo yopombanda 1628
Aaniiyemo yopokati 233
Aaniiyemo iishona 3040
Oshikwawo, Egumbo okwa gwedha po kutya ondoolopa oyi ipyakidhila tayi longekidha ehala yi pe aakalimo yamo ku yandwe okutula shaampoka shaa li paveta monakuyiwa.
Mongashingeyi, uumbashu inau tewa po otau ka kundathanwa oshoka mu wumwe omu na aantu. Pethimbo lyoshigongi shelelo shopomathimbo ngaka, ewiliko lyondoolopa olya kutha etokolo lya tule aantu yawo momapaandaanda, Omukuluntupithi gwelelo lyondoolopa yaNgwediva (CEO) Damian Egumbo a ti.
Moonkundathana dhomuule naNamibian Sun mEtine, Egumbo okwi ikala kutya otaa yanda okuteya po uumbashu, oshoka omumvo gwomahogololo.
Ashike, okwa ti otaa talulula ngele naa tule pamuthika olukanda ndoka aakalimo yi itendela omahala oshoka haayehe ye li mehala lya tendwa ko ndyoka lyo opalekwa kelelo lyondoolopa.
“Kashi nasha nomahogololo. Shampa twa mono uumbashu uupe ohatu ithana ooyene noku ya pula omatompelo gokutula mpoka. Yamwe yomaantu ya tembukila koMandume oye na nale omalukalwa ashike oye ya oshoka oya mono yalwe taa dhengele uumbashu noya dhiladhila otaa vulu okumona ehala ekwawo mpoka,” Egumbo a ti.
Okwa ti elelo olya totha mo nale mboka ye na omagumbo palwe, notaa ka pula oohandimwe mbaka ya dhengulule po uumbashu wawo itau tewa po.
Egumbo okwa ti yamwe mboka kaaye na mpoka taya yi oya tembudhilwa kolukanda lwaSky Phase One.
Okwa fatulula kutya pethimbo lyomakonakono gakwalukehe pokati 9-10 Juni 2024, aatungi mondoolopa oya ndhindhilike uumbashu wumwe tau dhengelwa molukanda lwaMandume.
Mo10 Juni okwa ti oya tseyithile omunambelewa gwomakwatathano ta kwathele, Penda Kashihakumwa naye mwene kutya otaa ka tula endhindhiliko kokambashu kutya ka ke li paveta.
“Etungo kehe lya tungwa mondoolopa pwaa na oplana yokutunga nenge eziminino lyelelo olya talika ko lyaa li paveta namwene gwalyo okwa tegelelwa kombelewa e ye a fatulule okutunga huka,” okwa ti.
Egumbo okwa ti wo mo11 Juni aanambelewa oya yi ya ka tsikile nokundhindhilika namupya munene nopwaa na eziminino lyombelewa yomukuluntupitithi nelelo oya longo oshinyangadhalwa shokuteya po omatungo naangoka gaa shi uumbashu.
“Nashi yele kutya oshinyangadhalwa shika inashi longwa paziminino lyelelo. Kumwe omatungo gatano taga tungwa oga tewa po. Mwene gumwe okwe ya noku li kutha po mwene,” okwa ti.
Egumbo okwa ti inaa vula okutotha mo kutya oolye ooyene yomatungo oshoka kape na ngoka e ya ta ti etungo olye.
Kakele, okwa ndhindhilikwa kutya koMandume omatungo ogendji oga tungwa natango.
“Momatungo moka omu na aantu onkene inaga tewa po. Ooyene oyi ithanenwe kombelewa ya ndhindhilikwe nawa. Itaa landulwa( hokololithwa) nande. Nelelo oli ipyakidhila nokukonga omikalo dhokuya tula pambelewa mehala moka ya tungila,” okwa dhenge omuthindo.
Ngashingeyi, mOngwediva omu na aantu 4 901 ye li momusholondondo gwokutegelela omalukulwa sigo okonena. Okwa ti oye na oongundu ndatu:
Aaniiyemo yopombanda 1628
Aaniiyemo yopokati 233
Aaniiyemo iishona 3040
Oshikwawo, Egumbo okwa gwedha po kutya ondoolopa oyi ipyakidhila tayi longekidha ehala yi pe aakalimo yamo ku yandwe okutula shaampoka shaa li paveta monakuyiwa.
Comments
Namibian Sun
No comments have been left on this article