Aavali ya kunkililwa ya sile oshisho aanona
Aanona oyendji taya hulitha omolwa uuhasha waavali
Opolisi oya tseyitha kutya aavali mboka taya ka thiga aanona kaye li metonatelo nokweetitha omaso gaanona mboka onga oshizemo, otaya ka tulwa miipandeko.
Okwaaha tonatela aanona okwa etitho omaso ogendji gaanona aashona nonkalo ndjoka oya etitha aakalelipo yompango ya kutheko oongaku nokutula miilonga omilandu dha yaga komuntu. Shoka otashi ningwa opo ku vule okuhulithwapo omaso gaanona momake gaatonateli yawo.
Opolisi yaNamibia oya ningi omasiku tayi kundathana nuuministeli wuuthikepamwe negameno lyaanona nkene taku vulu okugamenwa aanona okuza kaavali mboka kaye na oshipwiyu sho aanona oyendji taya hulitha miiponga moonkalo dha li tadhi vulu okuyandwa.
Iiponga mbyoka ongaashi uunona tawu sile momahemele gomeya nenge momithima, aanona taya sile miiponga yomililo sho ya thigwa moondunda omanga aavali ya za mo momagumbo, aanona taya thigwa momasiloshisho gaanona yakwawo nopolisi ngashiingeyi oya limbililwa kutya oshindji inashi ningwa kaavali opo ku vule okugamenwa aanona mboka.
Omunambelewa gwompolisi yaMusati, omupeha komufala,Moses Simaho, okwa popi kutya kehe omuvali ngoka taka thiga okanona kakeli metonatelo e ta ka si onga oshizemo shoka otaka tulwa miipandeko.
“Otatu ka tula miipandeko kehe ngoka taka thiga okanona kakeli metonatelo.”
Uuhasha
Okanona koomwedhi 15 Royal Fatima Fritz okiitsuwa ka sa mehemele lyomeya mOkalongo moshitopolwa shaMusati.
Okanona okali taka dhana nayakwawo omanga yina a kothapo.
“Sho yina a penduka okwa a dha okanona ke ka sila mehemele lyomeya,” Simaho a popi, ta gwedhapo kutya shoka uuhasha waavali.
Okwa tsikile kutya aavali naya kale yeshi mpoka pe na aanona yawo kehe ethimbo nokukuthapo iinima mbyoka ya nika oshiponga momeho gaanona.
Mumaalitsa gwonuumvo olukongo lyokanona koomvula omugoyi olya hulile moshilambo shombila yokanona hoka momukunda Ondjungulume mOmusati.
Olutu lwaTuhafeni Malakia olwa adhika kuyinakulu moshilambo shoka. Sigo onena kape na ngoka a tulwa miipandeko shi na sha neso ndyoka.
MuJanuari, Victoria Nambundu okwa hulitha momukunda Mutjwarantja moKavango East konima sho a gwile mehemele lyomeya. Otaku hokololwa kutya yina okwa thigi okanona hoka nahe ngoka a li a kotha pethimbo oshiningwanima shoka sha ningwa.
Sakaria Kamutushi Hangula gwoomvula mbali okwa pi ita vulu okudhimbulukwa omanga aantu yaali ya thigwa niilalo yomulilo momukunda Oneputa B momudhingoloko gwaShigambo.
Omulilo ngoka ogwa tukuka mondunda moka nakusa a li a lala.
He yokanona okwa pi, sho a li ta kambadhala okuhupitha okamona.
Uuministeli wuuthipekamwe otawu pula oshigwana shi gamene woo aanona komamonitho giihuna yopamilalo okupitila komalungula.
Simaho natango okwa popi kombinga yaanona aashona mboka taya kwatwa onkonga kaakuluntu.
Oshiwike sha piti momukunda Omufituwanauyala moshikandjohogololo Anamulenge omuniilonga gwomegumbo okwa kwata onkonga okanona kokakadhona koomvula ne.
Omufekelwa Asser Mpinge, ngoka e li omukwashigwana gwaAngola omunamimvo 17 okwa holoka mompangulilo yOutapi na okwa tindilwa omboloha. Oshipotha she osha undulilwa komeho omolwa omakonaakono gopolisi.
Opolisi yaNamibia oya ningi omasiku tayi kundathana nuuministeli wuuthikepamwe negameno lyaanona nkene taku vulu okugamenwa aanona okuza kaavali mboka kaye na oshipwiyu sho aanona oyendji taya hulitha miiponga moonkalo dha li tadhi vulu okuyandwa.
Iiponga mbyoka ongaashi uunona tawu sile momahemele gomeya nenge momithima, aanona taya sile miiponga yomililo sho ya thigwa moondunda omanga aavali ya za mo momagumbo, aanona taya thigwa momasiloshisho gaanona yakwawo nopolisi ngashiingeyi oya limbililwa kutya oshindji inashi ningwa kaavali opo ku vule okugamenwa aanona mboka.
Omunambelewa gwompolisi yaMusati, omupeha komufala,Moses Simaho, okwa popi kutya kehe omuvali ngoka taka thiga okanona kakeli metonatelo e ta ka si onga oshizemo shoka otaka tulwa miipandeko.
“Otatu ka tula miipandeko kehe ngoka taka thiga okanona kakeli metonatelo.”
Uuhasha
Okanona koomwedhi 15 Royal Fatima Fritz okiitsuwa ka sa mehemele lyomeya mOkalongo moshitopolwa shaMusati.
Okanona okali taka dhana nayakwawo omanga yina a kothapo.
“Sho yina a penduka okwa a dha okanona ke ka sila mehemele lyomeya,” Simaho a popi, ta gwedhapo kutya shoka uuhasha waavali.
Okwa tsikile kutya aavali naya kale yeshi mpoka pe na aanona yawo kehe ethimbo nokukuthapo iinima mbyoka ya nika oshiponga momeho gaanona.
Mumaalitsa gwonuumvo olukongo lyokanona koomvula omugoyi olya hulile moshilambo shombila yokanona hoka momukunda Ondjungulume mOmusati.
Olutu lwaTuhafeni Malakia olwa adhika kuyinakulu moshilambo shoka. Sigo onena kape na ngoka a tulwa miipandeko shi na sha neso ndyoka.
MuJanuari, Victoria Nambundu okwa hulitha momukunda Mutjwarantja moKavango East konima sho a gwile mehemele lyomeya. Otaku hokololwa kutya yina okwa thigi okanona hoka nahe ngoka a li a kotha pethimbo oshiningwanima shoka sha ningwa.
Sakaria Kamutushi Hangula gwoomvula mbali okwa pi ita vulu okudhimbulukwa omanga aantu yaali ya thigwa niilalo yomulilo momukunda Oneputa B momudhingoloko gwaShigambo.
Omulilo ngoka ogwa tukuka mondunda moka nakusa a li a lala.
He yokanona okwa pi, sho a li ta kambadhala okuhupitha okamona.
Uuministeli wuuthipekamwe otawu pula oshigwana shi gamene woo aanona komamonitho giihuna yopamilalo okupitila komalungula.
Simaho natango okwa popi kombinga yaanona aashona mboka taya kwatwa onkonga kaakuluntu.
Oshiwike sha piti momukunda Omufituwanauyala moshikandjohogololo Anamulenge omuniilonga gwomegumbo okwa kwata onkonga okanona kokakadhona koomvula ne.
Omufekelwa Asser Mpinge, ngoka e li omukwashigwana gwaAngola omunamimvo 17 okwa holoka mompangulilo yOutapi na okwa tindilwa omboloha. Oshipotha she osha undulilwa komeho omolwa omakonaakono gopolisi.
Comments
Namibian Sun
No comments have been left on this article