‘Aakotokeli’ ya hala mongundu yoonakulwa aakulu noonkondo
Epangelo olya dhimbulula ope na omukalo ‘aakotokeli" taa longitha moku li kengelela opo ya ithanwe oonakulwa aakulu, omanga mboka ye shi ilongela shili taa thigala po.
Shika osha hololwa kuNgoloneya gwOshitopolwa shaMusati Erginus Endjala, ngoka a tumbula aadhinwa mboka ya kondjela emanguluko ohaa thigala pondje.
Omapopyo ge oge ya pethimbo uuministeli wegamemo newilikongundu lyomatalululo goonakulwa aakulu li ipyakidhila nomatalulo mOshitopolwa shaMusati moka hanga Aanamibia 600 taa pulapulwa oshikando oshitiyali.
Mbaka aaningi yomaindilo mboka eindilo lyawo lyotango lyokuninga nakulwa omukulu lya tindwa, Endjala a hololele
Namibian Sun mEtitatu.
“Oya pewa esilohenda ya gandje uumbangi wa gwedhwa po. Oprosesa ndjika oya fa ekonakono. Ope na omapulo omapu nope na omapulo tage ku dhana muuluyi,” okwa ti.
Endjala okwa gwedha po kutya aantu yamwe oyu uva omahokololo gekondjelomanguluko owala noku ga hokolola ongo opo ya li poshiningwanima, noye shi ningilwa.
Lwanima, shampa ga yi “muule unene” – kombinga yomudheuli gwawo nenge komanda okwa li lye – oshili ohashi ya puuyelele, okwa ti.
‘Itashi vulika’
“Omathimbo gamwe, okakomitiye oha ka tala wo koomvula [dhomuningi gweindilo]. Aantu yamwe oya valwa mo 1986, ihe anuwa oya kwathela aakwiita yoSwapo. Itashi vulika. Itatu ti ino ya mona ta ye ya okuholama maayeni nenge momukunda, ihe okukwatha poomvula ndhoka itashi vulika," okwa ti.
Ngoloneya okwa ti okakomitiye oha ka ithana oombangi dhi ku popile nokukoleka omahokololo gaaningi yomaindilo.
“Nomolwaashoka oye na okupulwapulwa. Owu na okufuula mboka taa pula omapulo,” okwa ti.
Iipumbuwanima
Kehe omuningi gweindilo okwa tegelelwa e etelele okamutse ke koshilongo kokenene( kaa ke shi okopi) negano lyombangi tayi ndjandjukununa iilonga ya longwa komuningi gweindilo pethimbo lyekondjelomanguluko.
Ombangi yoludhi nduka inayi kala ya pamba( omushiwikile) omuningi gweindilo.
Omapulapulo, ngoka ga tamekele 20 Mei, otaga ningilwa poombelewa dhuuministeli mOutapi sigo l 7 Juni.
Omwaalu aguhe gomatalululo 122, oshikandjohogololo Outapi oshi na aantu oyendji taa talulitha omaindilo gawo ngoka ga tindwa molweetho lwotango.
Oshikandjohogololo Okahao oshi na owala aantu yatano taa talulitha omaindilo gawo, omanga Anamulenge 120, Elim 22, Okalongo 74, Onesi 38, Oshikuku 20, Etayi 23 nOtamanzi 16. Moshikandjohogololo Ruacana, aantu 114 otaa pulakenwa natango, omanga moTsandi nOgongo, aantu 20 no29 otaa ka ya momapulapulo natango.
[email protected]
Shika osha hololwa kuNgoloneya gwOshitopolwa shaMusati Erginus Endjala, ngoka a tumbula aadhinwa mboka ya kondjela emanguluko ohaa thigala pondje.
Omapopyo ge oge ya pethimbo uuministeli wegamemo newilikongundu lyomatalululo goonakulwa aakulu li ipyakidhila nomatalulo mOshitopolwa shaMusati moka hanga Aanamibia 600 taa pulapulwa oshikando oshitiyali.
Mbaka aaningi yomaindilo mboka eindilo lyawo lyotango lyokuninga nakulwa omukulu lya tindwa, Endjala a hololele
Namibian Sun mEtitatu.
“Oya pewa esilohenda ya gandje uumbangi wa gwedhwa po. Oprosesa ndjika oya fa ekonakono. Ope na omapulo omapu nope na omapulo tage ku dhana muuluyi,” okwa ti.
Endjala okwa gwedha po kutya aantu yamwe oyu uva omahokololo gekondjelomanguluko owala noku ga hokolola ongo opo ya li poshiningwanima, noye shi ningilwa.
Lwanima, shampa ga yi “muule unene” – kombinga yomudheuli gwawo nenge komanda okwa li lye – oshili ohashi ya puuyelele, okwa ti.
‘Itashi vulika’
“Omathimbo gamwe, okakomitiye oha ka tala wo koomvula [dhomuningi gweindilo]. Aantu yamwe oya valwa mo 1986, ihe anuwa oya kwathela aakwiita yoSwapo. Itashi vulika. Itatu ti ino ya mona ta ye ya okuholama maayeni nenge momukunda, ihe okukwatha poomvula ndhoka itashi vulika," okwa ti.
Ngoloneya okwa ti okakomitiye oha ka ithana oombangi dhi ku popile nokukoleka omahokololo gaaningi yomaindilo.
“Nomolwaashoka oye na okupulwapulwa. Owu na okufuula mboka taa pula omapulo,” okwa ti.
Iipumbuwanima
Kehe omuningi gweindilo okwa tegelelwa e etelele okamutse ke koshilongo kokenene( kaa ke shi okopi) negano lyombangi tayi ndjandjukununa iilonga ya longwa komuningi gweindilo pethimbo lyekondjelomanguluko.
Ombangi yoludhi nduka inayi kala ya pamba( omushiwikile) omuningi gweindilo.
Omapulapulo, ngoka ga tamekele 20 Mei, otaga ningilwa poombelewa dhuuministeli mOutapi sigo l 7 Juni.
Omwaalu aguhe gomatalululo 122, oshikandjohogololo Outapi oshi na aantu oyendji taa talulitha omaindilo gawo ngoka ga tindwa molweetho lwotango.
Oshikandjohogololo Okahao oshi na owala aantu yatano taa talulitha omaindilo gawo, omanga Anamulenge 120, Elim 22, Okalongo 74, Onesi 38, Oshikuku 20, Etayi 23 nOtamanzi 16. Moshikandjohogololo Ruacana, aantu 114 otaa pulakenwa natango, omanga moTsandi nOgongo, aantu 20 no29 otaa ka ya momapulapulo natango.
[email protected]
Comments
Namibian Sun
No comments have been left on this article