Mayola gwaMuthiya ta ka longela kOvenduka
Ombilive yAhende Ndjai yo2021 inayi talwa
Mayola ota ti ye omukalimo natango gwomondoolopa yokonooli, ta ti omafutilo ge kumuni otage shi koleke.
Mayola gwaMuthiya Johannes Ndeutepo, ngoka a mona iilonga ihwepo kOvenduka, itaka za muukamunsela welelo lyondoolopa nokwi indile omakwatathano gopaungomba ga longithwe opo a vule okukutha ombinga miigongi yelelo omanga e li ookilometa 600 kokule.
Shika oshikalimo shombilive Ndeutepo a nyolele omukuluntupitithi gwelelo lyondoolopa yaMuthiya Petrus Shuuya, mesiku 27 Mai, moka a holola ota ka kala omukuluntupithi gwehangano Nammic Holdings okuza 1 Juli.
Mombilive, Ndeutepo okwa ti ita kala olundji mOmuthiya omolwa iilonga ye kOvenduka. Okwa hala okukala kamunsela mOndoolopa yaMuthiya sigo omahogololo ga landula ko gomalelo gondoolopa, taga ka kala ko muNovemba 2025.
“Molwa iilonga mbika, itandi kala olundji mOmuthiya oshoka iilonga oyi li kOvenduka. Onkene etseyitho ndika oku mu tseyithila kutya itandi ka kala po ndi ye momahogololo guunashipundi welelo (guumayola) omvula tayi ya,” okwa fatulula.
“Alikana kwashilipalekeni omatseyitho giigongi oga ningwa pethimbo nomakwatathano gopaungomba opo ge li moompito moka itandi vulu okuholoka koshigongi,” okwa ti.
‘Iilonga yopakathimbo’
Sho a pulwa opo a tye ko sha, Ndeutepo okwa koleke oye omunyoli gwombilive, nokwa ti ota kala omukalimo gwOmuthiya oshoka omo mu na egumbo noongeshefa dhe.
Okwa pula ngele omuntu okwa talika ko owa omukalimo gomondoolopa ngele owala a kala mo, nenge ngele uumbangi wokukala mo okupitila momafutilo gamuni owa gwana.
Okwa tsikile ko nokunyenyeta kutya opoosa yuukamunsela melelo lyondoolopa iilonga yopakathimbo ngaashi oshilyo shewilikongundu lyehangano, shoka inaashi mangelwa pehala kopoosa ndjoka.
“Manga inaandi mona iilonga yandje iipe, onda li omunangeshefa ngoka ha vulu okukala kee mo moshitopolwa ethimbo ele, ashike onda gwanitha po iinakugwanithwa yandje. Inandi kala nda pumbwa okupula epitikilo ndi ze mo mondoolopa, ashike ngashingeyi onkalo oya lunduluka. Ondi na omuhona handi lopota kuye,” okwa fatulula.
Okwa holola wo omalelo gondoolopa ogendji ngoka ookamunsela yawo ya kala moondoolopa dhi li kokule naampoka ha longele.
‘Oveta inayi yela’
Mumvogu, Namibian Sun okwa kundaneke kutya omunashipundi gwokomitiye yElelo lyondoolopa yaNgwediva, Dr Fabiam George, oha longele kOkakarara, noshe eta omapulo ga nkene omuntu ta vulu okugwanitha po iilonga ye nawa melelo lyondoolopa manga e li ookilometa 560 kokule niilonga.
George okwa hokololwa a taaguluka Oshitokolitho 13 (1) (h) shOveta yOmalelo gOndoolopa sho a mono iilonga iipe mbika omanga kamunsela natango. Oveta ndjono otayi ti omunambelewa melelo lyondoolopa na ethe iilonga ngele ke shi we omukalimo gwomondoolopa konima yokuhogololwa.
Mekwatathano nehokololo lyaGeorge, omukanda gwopaveta gwomuJanuali 2021 gwa nyolwa kuAhende ndjai Festus Mbandeka gwa nyolelwa minista yomapendulopo giilando nomikunda Erastus Uutoni ogwa dhenge omuthindo komilandu dhOveta, ta gwedha po kutya okukutha miilonga kamunsela ngoka ihaa kala we mondoolopa a hogololelwa oshi li ‘meukililo’ ‘hanuukeka'.
Mbandeka okwa nyola : “Mompito moka omunambelewa melelo lyondoolopa ihaa kala we nenge e li mo owala okathimbo mondoolopa a hogololelwa, omunambelewa ngoka na thige po iilonga paShitokolitho 13(1)(h) shOveta yOmalelo gOndoolopa...”
Okwa gwedha po kutya minista, oku na oonkondo dhokukuthitha miilonga ookamusela inadhi kala moondoolopa dha hogolelwa, “no ina pumbwa okutegelela ongundu yopapolitika” yi ithane ko oshilyo shawo. Kakele komayele ngaka, George natango okamunsela mOngwediva.
Amushanga omukuluntu muumisteli womapendulopo giilando nomikunda Nghidinwa Daniel okwa tindi okutya ko sha koshikumungu shika, ta ti owala: “Tango pula opoosa yomuntu ta popiwa. Oveta oya yela monishinima shoka. Lesha wo Oveta”.
[email protected]
Shika oshikalimo shombilive Ndeutepo a nyolele omukuluntupitithi gwelelo lyondoolopa yaMuthiya Petrus Shuuya, mesiku 27 Mai, moka a holola ota ka kala omukuluntupithi gwehangano Nammic Holdings okuza 1 Juli.
Mombilive, Ndeutepo okwa ti ita kala olundji mOmuthiya omolwa iilonga ye kOvenduka. Okwa hala okukala kamunsela mOndoolopa yaMuthiya sigo omahogololo ga landula ko gomalelo gondoolopa, taga ka kala ko muNovemba 2025.
“Molwa iilonga mbika, itandi kala olundji mOmuthiya oshoka iilonga oyi li kOvenduka. Onkene etseyitho ndika oku mu tseyithila kutya itandi ka kala po ndi ye momahogololo guunashipundi welelo (guumayola) omvula tayi ya,” okwa fatulula.
“Alikana kwashilipalekeni omatseyitho giigongi oga ningwa pethimbo nomakwatathano gopaungomba opo ge li moompito moka itandi vulu okuholoka koshigongi,” okwa ti.
‘Iilonga yopakathimbo’
Sho a pulwa opo a tye ko sha, Ndeutepo okwa koleke oye omunyoli gwombilive, nokwa ti ota kala omukalimo gwOmuthiya oshoka omo mu na egumbo noongeshefa dhe.
Okwa pula ngele omuntu okwa talika ko owa omukalimo gomondoolopa ngele owala a kala mo, nenge ngele uumbangi wokukala mo okupitila momafutilo gamuni owa gwana.
Okwa tsikile ko nokunyenyeta kutya opoosa yuukamunsela melelo lyondoolopa iilonga yopakathimbo ngaashi oshilyo shewilikongundu lyehangano, shoka inaashi mangelwa pehala kopoosa ndjoka.
“Manga inaandi mona iilonga yandje iipe, onda li omunangeshefa ngoka ha vulu okukala kee mo moshitopolwa ethimbo ele, ashike onda gwanitha po iinakugwanithwa yandje. Inandi kala nda pumbwa okupula epitikilo ndi ze mo mondoolopa, ashike ngashingeyi onkalo oya lunduluka. Ondi na omuhona handi lopota kuye,” okwa fatulula.
Okwa holola wo omalelo gondoolopa ogendji ngoka ookamunsela yawo ya kala moondoolopa dhi li kokule naampoka ha longele.
‘Oveta inayi yela’
Mumvogu, Namibian Sun okwa kundaneke kutya omunashipundi gwokomitiye yElelo lyondoolopa yaNgwediva, Dr Fabiam George, oha longele kOkakarara, noshe eta omapulo ga nkene omuntu ta vulu okugwanitha po iilonga ye nawa melelo lyondoolopa manga e li ookilometa 560 kokule niilonga.
George okwa hokololwa a taaguluka Oshitokolitho 13 (1) (h) shOveta yOmalelo gOndoolopa sho a mono iilonga iipe mbika omanga kamunsela natango. Oveta ndjono otayi ti omunambelewa melelo lyondoolopa na ethe iilonga ngele ke shi we omukalimo gwomondoolopa konima yokuhogololwa.
Mekwatathano nehokololo lyaGeorge, omukanda gwopaveta gwomuJanuali 2021 gwa nyolwa kuAhende ndjai Festus Mbandeka gwa nyolelwa minista yomapendulopo giilando nomikunda Erastus Uutoni ogwa dhenge omuthindo komilandu dhOveta, ta gwedha po kutya okukutha miilonga kamunsela ngoka ihaa kala we mondoolopa a hogololelwa oshi li ‘meukililo’ ‘hanuukeka'.
Mbandeka okwa nyola : “Mompito moka omunambelewa melelo lyondoolopa ihaa kala we nenge e li mo owala okathimbo mondoolopa a hogololelwa, omunambelewa ngoka na thige po iilonga paShitokolitho 13(1)(h) shOveta yOmalelo gOndoolopa...”
Okwa gwedha po kutya minista, oku na oonkondo dhokukuthitha miilonga ookamusela inadhi kala moondoolopa dha hogolelwa, “no ina pumbwa okutegelela ongundu yopapolitika” yi ithane ko oshilyo shawo. Kakele komayele ngaka, George natango okamunsela mOngwediva.
Amushanga omukuluntu muumisteli womapendulopo giilando nomikunda Nghidinwa Daniel okwa tindi okutya ko sha koshikumungu shika, ta ti owala: “Tango pula opoosa yomuntu ta popiwa. Oveta oya yela monishinima shoka. Lesha wo Oveta”.
[email protected]
Comments
Namibian Sun
No comments have been left on this article