Aantu ya konda 1 300 ya mangwa po molwa iimbuluma yiithitukuti moomvula mbali
Oompanda 57 odha dhipagwa muukongo waa li paveta mo2024
Iimbuluma yiithitukuti moomvula mbali dha piti oya kwatela mo unene uupundja, oongaka, uuyamakuti uushona hawu yamutha, oompanda noondjamba.
Moomvula owala mbali, aantu ya konda 1 300 oya mangwa po mekwatathano niimbuluma yiithitukuti moNamibia.
Shika oshi ikolela komupevi komufala Barry de Klerk gwokoshikondo shomakonakono giimbuluma mopolisi yaNamibia, ngoka a li ta popi poshigongi shopashigwana shaakuthimbinga megameno lyiithitukuti naanambelewa yopolisi.
De Klerk okwa ti pokati ko15 Juni 2022 sigo 2 Juli nuumvo, aantu 1 357 oya mangwa molwa iimbuluma yiithitukuti, mumbaka 1 197 AaNamibia. Yalwe omwa kwatelwa Aazambia 78, Aangola 65, Aashawana ( Aabotswana) yahamano, Aasia yatano, AaSouth Afrika yatano nOmutanzania gumwe.
Maantu 1 357 ya mangwa po, 1 222 opo ya pogola lwotango, omanga 78 oya mangwa po oshikando oshitiyali.
Omanga, omuntu gumwe okwa mangwa po lwiikando ihetatu mekwatathano niimbuluma yiithitukuti, nayalwe yatano oya mangwa po lwiikando iheyali.
Methimbo lya faathana, iimbuluma yiithitukuti 643 oya lopotwa. De Klerk a ti. Oyindji okoshitopolwa shaZambezi (93), Kavango Uuzilo (82), Otjozondjupa (80), Omaheke (73) naKunene (57).
Ngele otatu tala komwaalu gwiithitukuti kondandalunde, oyindji oya kwatela mo uupundja (255), oongaka (100), uuyamakuti uushona (71), oompanda (56) noondjamba (49), okwa ti.
Omwaalu guukongo waa li paveta
Oompanda kumwe 57 odha dhipagwa nale nuumvo muukongo waa li paveta, odhindji- 29 – odha dhipagwa mEtosha National Park.
Mumvogu, oompanda 74 odha dhipagwa muukongo waa li paveta, omanga m2022, mo2021 no2020 oompanda 94, 53 no48 dha dhipagwa.
De Klerk okwa ti moompanda 57 dha dhipagwa muukongo waa li paveta nuumvo, oompanda oondudhe 40 noompanda oontokele 17.
Oompanda hetatu odha dhipagwa moofalama dhopaumwene, omanga omugoyi odha li mehala lya gamenwa, mbali moWaterberg Plateau Park noonkwawo dha hupa ko omEtosha.
Pokati mpoka, oondjamba owala ntano dha dhipagwa muukongo waa li paveta, okuyelekanitha nahetatu mumvogu. Oondjamba ne odha dhipagwa mo2022, omulongo no2021 nomulongo nambali mo2020.
De Klerk okwa ti omanga omiyalu dhoondjamba dha dhipagwa muukongo waa li paveta odha shonopala, okukwata ko omayego goondjamba okwa londa. Kakele, shika, oshe etwa kuNamibia ha longithwa ongoshilongo shokupititha (shokupitila) omayego goondjamba.
Shika oshi ikolela komupevi komufala Barry de Klerk gwokoshikondo shomakonakono giimbuluma mopolisi yaNamibia, ngoka a li ta popi poshigongi shopashigwana shaakuthimbinga megameno lyiithitukuti naanambelewa yopolisi.
De Klerk okwa ti pokati ko15 Juni 2022 sigo 2 Juli nuumvo, aantu 1 357 oya mangwa molwa iimbuluma yiithitukuti, mumbaka 1 197 AaNamibia. Yalwe omwa kwatelwa Aazambia 78, Aangola 65, Aashawana ( Aabotswana) yahamano, Aasia yatano, AaSouth Afrika yatano nOmutanzania gumwe.
Maantu 1 357 ya mangwa po, 1 222 opo ya pogola lwotango, omanga 78 oya mangwa po oshikando oshitiyali.
Omanga, omuntu gumwe okwa mangwa po lwiikando ihetatu mekwatathano niimbuluma yiithitukuti, nayalwe yatano oya mangwa po lwiikando iheyali.
Methimbo lya faathana, iimbuluma yiithitukuti 643 oya lopotwa. De Klerk a ti. Oyindji okoshitopolwa shaZambezi (93), Kavango Uuzilo (82), Otjozondjupa (80), Omaheke (73) naKunene (57).
Ngele otatu tala komwaalu gwiithitukuti kondandalunde, oyindji oya kwatela mo uupundja (255), oongaka (100), uuyamakuti uushona (71), oompanda (56) noondjamba (49), okwa ti.
Omwaalu guukongo waa li paveta
Oompanda kumwe 57 odha dhipagwa nale nuumvo muukongo waa li paveta, odhindji- 29 – odha dhipagwa mEtosha National Park.
Mumvogu, oompanda 74 odha dhipagwa muukongo waa li paveta, omanga m2022, mo2021 no2020 oompanda 94, 53 no48 dha dhipagwa.
De Klerk okwa ti moompanda 57 dha dhipagwa muukongo waa li paveta nuumvo, oompanda oondudhe 40 noompanda oontokele 17.
Oompanda hetatu odha dhipagwa moofalama dhopaumwene, omanga omugoyi odha li mehala lya gamenwa, mbali moWaterberg Plateau Park noonkwawo dha hupa ko omEtosha.
Pokati mpoka, oondjamba owala ntano dha dhipagwa muukongo waa li paveta, okuyelekanitha nahetatu mumvogu. Oondjamba ne odha dhipagwa mo2022, omulongo no2021 nomulongo nambali mo2020.
De Klerk okwa ti omanga omiyalu dhoondjamba dha dhipagwa muukongo waa li paveta odha shonopala, okukwata ko omayego goondjamba okwa londa. Kakele, shika, oshe etwa kuNamibia ha longithwa ongoshilongo shokupititha (shokupitila) omayego goondjamba.
Comments
Namibian Sun
No comments have been left on this article