Aaniilonga nale yaAir Namibia ya hala iifuta yawo
Taya ihumbatelwa aniwa nayi
Konima yoomwedhi o 20 ngashiingeyi nkene ya kuthwa miilonga, aaniilonga yehangano lyomatukodhila lyaNamibia inaya futwa natango iimaliwa yawo yezo miilonga.
Aaniilonga nale yehangano lyoAir Namibia oya unga oontanda poombelewa oonene dhehangano ndyoka moshilandopangelo taya pula oongunga dhawo dhoka dhiniwe kwaamboka taya ungaunga nemanitho lyepatitho lyehangano ndyoka.
Aaniilonga yamwe po inaya vula okukala pontanda ndjoka molwaashoka yamwe oya shuna komikunda oshowo koondoolopa hoka ya zile konima sho ya kanitha iilonga nomagumbo gawo, oya popi kutya minista gwiiyemo, Iipumbu Shiimi, ota popi iifundja moPaliamende sho ta popi kutya oku na omulandu gwombelewa ya egulukila kehe gumwe, konima sho a kala nokutinda okutsakanena naaniilonga mboka opo ya kundathane uupyakadhi wawo.
Renier Bougard, ngoka a popi pehala lyongundu yaaniilonga mboka, okwa ti itaya zipo pehala ndyoka sigo omakemo gawo guuvika niimaliwa yawo ya futwa.
Pahapu dhe, konima sho ya tseyitha oompangela dhawo dhokuninga ehololo lyomadhilaadhilo oya mono elombwelo okuza kwaamboka taya ungaunga nepato lyehangano ndyoka kutya otaya ka mona iifuta yawo muule womasiku 30.
“Shoka inashi gwana molwaashoka inashi tulwa pombaapila. Natango omolwashike opo tashi ningwa ngashiingeyi? Aantu oya kanitha omagumbo gawo na natu tegelele iifuta ye ihe Ompango yAaniilonga tayi popi kutya iifuta oya pumbwa okuningwa pethimbo aantu taya zi miilonga. Otwa kala twiidhidhimika uule woomwedhi 20, shoka osha hala okutya otatu mono iishoshela kiimaliwa yetu?” Bougard a pula.
“Otwa pumbwa ekwashilipaleko molwaashoka aantu itaya ungaunga natse momukalo omwaanawa. Itatu hehela, otwa longela iimaliwa yetu. Otwa kala nokwiihumbatelwa twa fa oombwa koominista adhihe. Minista gwemona okwa dhimbwa kutya naye omuniilonga gwepangelo,” omupopiliko gwaaniilonga mboka a popi.
Okwa tsikile ta popi kutya muule woomwedhi 20 konima nkene ehangano ndyoka lya patwa, oya pula eningo lyomutumba naminista Shiimi, iikando oyindji ihe inashi ningwa omanga Shiimi ta lombwele aanapaliamende kutya aaniilonga mboka naya ka popye naye.
Omupopiliko gwoNamibia Revenue Agency (NamRA), Tonateni Shidhudhu okwa popi kutya otaya ka yamukula kongundu ndjoka uuna ya mono uuyelele kombinga yiishoshela yehangano lyoAir Namibia.
Wilson Shikoto gwuuministeli wemona ina vula okumonika.
Aaniilonga yamwe po inaya vula okukala pontanda ndjoka molwaashoka yamwe oya shuna komikunda oshowo koondoolopa hoka ya zile konima sho ya kanitha iilonga nomagumbo gawo, oya popi kutya minista gwiiyemo, Iipumbu Shiimi, ota popi iifundja moPaliamende sho ta popi kutya oku na omulandu gwombelewa ya egulukila kehe gumwe, konima sho a kala nokutinda okutsakanena naaniilonga mboka opo ya kundathane uupyakadhi wawo.
Renier Bougard, ngoka a popi pehala lyongundu yaaniilonga mboka, okwa ti itaya zipo pehala ndyoka sigo omakemo gawo guuvika niimaliwa yawo ya futwa.
Pahapu dhe, konima sho ya tseyitha oompangela dhawo dhokuninga ehololo lyomadhilaadhilo oya mono elombwelo okuza kwaamboka taya ungaunga nepato lyehangano ndyoka kutya otaya ka mona iifuta yawo muule womasiku 30.
“Shoka inashi gwana molwaashoka inashi tulwa pombaapila. Natango omolwashike opo tashi ningwa ngashiingeyi? Aantu oya kanitha omagumbo gawo na natu tegelele iifuta ye ihe Ompango yAaniilonga tayi popi kutya iifuta oya pumbwa okuningwa pethimbo aantu taya zi miilonga. Otwa kala twiidhidhimika uule woomwedhi 20, shoka osha hala okutya otatu mono iishoshela kiimaliwa yetu?” Bougard a pula.
“Otwa pumbwa ekwashilipaleko molwaashoka aantu itaya ungaunga natse momukalo omwaanawa. Itatu hehela, otwa longela iimaliwa yetu. Otwa kala nokwiihumbatelwa twa fa oombwa koominista adhihe. Minista gwemona okwa dhimbwa kutya naye omuniilonga gwepangelo,” omupopiliko gwaaniilonga mboka a popi.
Okwa tsikile ta popi kutya muule woomwedhi 20 konima nkene ehangano ndyoka lya patwa, oya pula eningo lyomutumba naminista Shiimi, iikando oyindji ihe inashi ningwa omanga Shiimi ta lombwele aanapaliamende kutya aaniilonga mboka naya ka popye naye.
Omupopiliko gwoNamibia Revenue Agency (NamRA), Tonateni Shidhudhu okwa popi kutya otaya ka yamukula kongundu ndjoka uuna ya mono uuyelele kombinga yiishoshela yehangano lyoAir Namibia.
Wilson Shikoto gwuuministeli wemona ina vula okumonika.
Comments
Namibian Sun
No comments have been left on this article