Omuhunganeki mOmpangu ishewe
Omusita gwongeleka House of Joy Ministries, omuhunganeki a pangulilwa uukongo waa li paveta Jackson Babi okwa holoka natango mompangu shi na sha nomatamaneko gopankalathano ga pamba iimaliwa yokuhiila Babi inaa futa. Mwene gwehala tali adhika mo Kleine Kuppe mOvenduka ota pula Babi nomukulukadhi gwe, Maria N$81 000. Ehala ndika omo moka opolisi ya adhele omayego goompanda mu Mei 2020, shoka sha fala moku mangwa po kwaBabi. Yaali oya holoka mOmpangu yopOmbanda yaVenduka komeho gOmupanguli Nate Ndauendapo mepulakeno lyoshipotha.
Mu Septemba 2022, Babi okwa tokolelwa oomvula 10 mondholongo niifuta yo N$370 000 nenge oomvula 17 mondholongo konima yokuzimina ondjo miipotha 11. Iipotha ya pamba uukongo waa li paveta wiinamwenyo ya gamenwa, uufuthi, ekengelelo nokugandja oombumbo. Iipotha oya kwatela mo wo okugandja shaa li paveta ondjembo niilwitho. Okwa talululitha egeelo lye, hoka kwa kuthwa oomvula mbali mondholongo niifuta ayihe kumwe N$230 000, nenge oomvula 15 mondholongo ngele ina futa.
Oondjo dhokuhiila
Aakwababi oya hila ehala moKleine Kuppe muulethimbo womvula yimwe, okuza mu 1 Apilili 2020. Euvathano lyokuhiila anuwa olya gwedhelwa pakana sigo 31 Maalitsa 2021. Oshimaliwa shokomwedhi N$30 000. Mwene gwehala, Josua Kaukungwa, ota pula ngashingeyi a futwe N$81 418. Shi ikolela koodokumende Kaukungwa a gandja mompangu, Aakwababi oya ndopa okufuta N$ 42 692 Novemba naDesemba 2021. Aaihokani otaa pulwa N$38 815 ya gwedhwa po ya pamba okwoopalekululwa kwehala ndyoka.
Uukongo waa li paveta
Iipotha Babi a pangulilwa oya kwatathana nuukongo waa li paveta wompanda ontokele onkiintu nokampandagona mofaalama momudhingoloko gwaGobabis. Babi okwa zimine kutya okwa gandja ondjembo niilwitho ya longithwa okudhipagitha iinamwenyo mbyoka iyali nokonima okwa adhika nomayego gaali goompanda mOvenduka. Okwa zimine wo kutya okwa kwatelwa mo monkambadhala yokulanditha po omayego gaali goompanda mOtjiwarongo nokwa gandja ombumbo yoN$13 000 komupolisi konima yoku mangwa po. Aalumentu yahetatu oya kwatakanithwa nomuyonena, gumwe ngoka twi itaala omupolisi.
–[email protected]
Mu Septemba 2022, Babi okwa tokolelwa oomvula 10 mondholongo niifuta yo N$370 000 nenge oomvula 17 mondholongo konima yokuzimina ondjo miipotha 11. Iipotha ya pamba uukongo waa li paveta wiinamwenyo ya gamenwa, uufuthi, ekengelelo nokugandja oombumbo. Iipotha oya kwatela mo wo okugandja shaa li paveta ondjembo niilwitho. Okwa talululitha egeelo lye, hoka kwa kuthwa oomvula mbali mondholongo niifuta ayihe kumwe N$230 000, nenge oomvula 15 mondholongo ngele ina futa.
Oondjo dhokuhiila
Aakwababi oya hila ehala moKleine Kuppe muulethimbo womvula yimwe, okuza mu 1 Apilili 2020. Euvathano lyokuhiila anuwa olya gwedhelwa pakana sigo 31 Maalitsa 2021. Oshimaliwa shokomwedhi N$30 000. Mwene gwehala, Josua Kaukungwa, ota pula ngashingeyi a futwe N$81 418. Shi ikolela koodokumende Kaukungwa a gandja mompangu, Aakwababi oya ndopa okufuta N$ 42 692 Novemba naDesemba 2021. Aaihokani otaa pulwa N$38 815 ya gwedhwa po ya pamba okwoopalekululwa kwehala ndyoka.
Uukongo waa li paveta
Iipotha Babi a pangulilwa oya kwatathana nuukongo waa li paveta wompanda ontokele onkiintu nokampandagona mofaalama momudhingoloko gwaGobabis. Babi okwa zimine kutya okwa gandja ondjembo niilwitho ya longithwa okudhipagitha iinamwenyo mbyoka iyali nokonima okwa adhika nomayego gaali goompanda mOvenduka. Okwa zimine wo kutya okwa kwatelwa mo monkambadhala yokulanditha po omayego gaali goompanda mOtjiwarongo nokwa gandja ombumbo yoN$13 000 komupolisi konima yoku mangwa po. Aalumentu yahetatu oya kwatakanithwa nomuyonena, gumwe ngoka twi itaala omupolisi.
–[email protected]
Comments
Namibian Sun
No comments have been left on this article