Okatete koTop Score otaka vulu okuliwa
Customers reassured
The instant porridge has been declared safe following vigorous and independent testing.
Namib Mills okwa koleke mEtitatu lya zi ko kutya okatete kawo ke holike koTop Score hoka ka ningilwa omakonakono, oka kolekwa kutya kake na uupyakadhi wa sha- otaka vulu okuliwa kaantu.
Shi ikolela ku menindjela omukuluntu moNamib Mills, Marné Bouwer okwa ti iizemo yomakonakono oyu ulike kutya " okatete koTop Score ota ka vulu okuliwa kaantu."
Okwa yelitha kutya omakonakono inaga konakona owala uutete wa longekidhwa mesiku ndyoka – 06/08/2024 – okwa konakonwa woo uutete wulwe womaludhi ga yooloka nowa longekidhwa momasiku ga yooloka "opo ya kwashilipaleke aalandi naakuthimbinga kutya okatete ketu ka ke na oshilanduli sha sha shopaundjolowele noki iyutha komayutho gopombanda gelongekidho lyiikulya."
Shika osha landula omahokololo gokoSouth Africa kutya otashi vulika okulya okatete okwo kwe etitha omaso guunona utatu mo Eastern Cape. Ongoshizemo, okatete mbalambala oka kuthwa mo momalandithilo moNamibia, South Africa, Zambia naLesotho, manga iizemo yomakonakono ogendji moolabola tayi ya ku talike ngele okatete oke li nawa nokuliwa kaantu.
Omakonakono oga ningwa kolabola yi ithikamena po moSouth Africa ndjoka ya pewa eziminino ko South African National Accreditation System (SANAS). Olabola oya konakona ngele mokatete omu na uupuka wa konda 200 noshowo iitenda (heavy metal). Oshikwawo, Bouwer okwa holola kutya omakonakono gokukonakona uushonanima ihau vulu okumonika nomeho opo ku talike ngele oombakiteli, oombuto nomauzigo kage mo.
Omakonakono ga kwata miiti ga ningwa
Kondandalunde okwa konakonwa: Okatete koludhi lwEpungu komo-9 Kotoba, okatete koludhi lwoStrawberry komu-3 gaJanuali, okatete koludhi lwoBanana komu-2 Mei, okatete koludhi lwoPeanuta Butter komo-23 Mei, okatete koludhi lwoToffee Caramel komo-28 Mei, okatete koludhi lwoBanana komo-27 Mei, okatete koludhi lwepungu komo- 29 Mei, okatete koludhi lwoToffee Caramel komu 5 Auguste, nokatete koludhi lwoVanilla komo-19 Auguste nomo-27 Septemba.
“Iizemo yomakonakono oya koleke kutya uutete wetu womasiku ga yooloka nowomaludhi agehe kau na uuzigo nowi iyutha komayutho gopombanda gelongekidho lyiikulya. Okatete koTop Score otaka vulu okuliwa lela kaantu,” Bouwer a dhenge omuthindo.
Bouwer okwa gwedha po kutya “omakonakono getu ga kwata miiti noga tala nawa ngele ayihe oyi li nawa, oga koleke kutya oprosesa yetu yokulongekidha okatete oya gwanitha po omayutho gopombanda gelongekidho lyiikulya, tayi kwashilipalekwe kutya uutete wetu awuhe tau zi moofaabulika yetu owu li nawa.”
Okwa holola kutya “otashi vulika aluhe pe na ompito kutya uuzigo ohau yi muutete konima wa za miikaha yetu.”
Okwa tsu omukumo aalandi ya kwashilipaleke kutya okatete kawo inaka patuluka noina ka tuuka manga inaye ka landa nenge ye ka lye. “Ino lya okatete ngele oka patuluka.”
Aalandi naya kwashilipaleke kutya okatete oka pungulwa nawa, ka longekidhwa nuuyogoki, noka endithwa megameno, noina ka landwa ka felefala.
Oshikwawo, okwa holola kutya omahangano gokoSouth Africa otaga ningi omakonakono gago gene gomolabola, niizemo yomakonakono ngaka naga tegelelelwe opo okatete koTop Score ka galukile moostola moNamibia.
- [email protected]
Shi ikolela ku menindjela omukuluntu moNamib Mills, Marné Bouwer okwa ti iizemo yomakonakono oyu ulike kutya " okatete koTop Score ota ka vulu okuliwa kaantu."
Okwa yelitha kutya omakonakono inaga konakona owala uutete wa longekidhwa mesiku ndyoka – 06/08/2024 – okwa konakonwa woo uutete wulwe womaludhi ga yooloka nowa longekidhwa momasiku ga yooloka "opo ya kwashilipaleke aalandi naakuthimbinga kutya okatete ketu ka ke na oshilanduli sha sha shopaundjolowele noki iyutha komayutho gopombanda gelongekidho lyiikulya."
Shika osha landula omahokololo gokoSouth Africa kutya otashi vulika okulya okatete okwo kwe etitha omaso guunona utatu mo Eastern Cape. Ongoshizemo, okatete mbalambala oka kuthwa mo momalandithilo moNamibia, South Africa, Zambia naLesotho, manga iizemo yomakonakono ogendji moolabola tayi ya ku talike ngele okatete oke li nawa nokuliwa kaantu.
Omakonakono oga ningwa kolabola yi ithikamena po moSouth Africa ndjoka ya pewa eziminino ko South African National Accreditation System (SANAS). Olabola oya konakona ngele mokatete omu na uupuka wa konda 200 noshowo iitenda (heavy metal). Oshikwawo, Bouwer okwa holola kutya omakonakono gokukonakona uushonanima ihau vulu okumonika nomeho opo ku talike ngele oombakiteli, oombuto nomauzigo kage mo.
Omakonakono ga kwata miiti ga ningwa
Kondandalunde okwa konakonwa: Okatete koludhi lwEpungu komo-9 Kotoba, okatete koludhi lwoStrawberry komu-3 gaJanuali, okatete koludhi lwoBanana komu-2 Mei, okatete koludhi lwoPeanuta Butter komo-23 Mei, okatete koludhi lwoToffee Caramel komo-28 Mei, okatete koludhi lwoBanana komo-27 Mei, okatete koludhi lwepungu komo- 29 Mei, okatete koludhi lwoToffee Caramel komu 5 Auguste, nokatete koludhi lwoVanilla komo-19 Auguste nomo-27 Septemba.
“Iizemo yomakonakono oya koleke kutya uutete wetu womasiku ga yooloka nowomaludhi agehe kau na uuzigo nowi iyutha komayutho gopombanda gelongekidho lyiikulya. Okatete koTop Score otaka vulu okuliwa lela kaantu,” Bouwer a dhenge omuthindo.
Bouwer okwa gwedha po kutya “omakonakono getu ga kwata miiti noga tala nawa ngele ayihe oyi li nawa, oga koleke kutya oprosesa yetu yokulongekidha okatete oya gwanitha po omayutho gopombanda gelongekidho lyiikulya, tayi kwashilipalekwe kutya uutete wetu awuhe tau zi moofaabulika yetu owu li nawa.”
Okwa holola kutya “otashi vulika aluhe pe na ompito kutya uuzigo ohau yi muutete konima wa za miikaha yetu.”
Okwa tsu omukumo aalandi ya kwashilipaleke kutya okatete kawo inaka patuluka noina ka tuuka manga inaye ka landa nenge ye ka lye. “Ino lya okatete ngele oka patuluka.”
Aalandi naya kwashilipaleke kutya okatete oka pungulwa nawa, ka longekidhwa nuuyogoki, noka endithwa megameno, noina ka landwa ka felefala.
Oshikwawo, okwa holola kutya omahangano gokoSouth Africa otaga ningi omakonakono gago gene gomolabola, niizemo yomakonakono ngaka naga tegelelelwe opo okatete koTop Score ka galukile moostola moNamibia.
- [email protected]
Comments
Namibian Sun
No comments have been left on this article