Mbumba a nyanyukilwa etaambathano lyelelo ewanawa
Presidente a ‘fuulwa’ komukumo pethimbo lyuudhigu
Mbumba okwa nyanyukilwa Aanamibia sho ya yambula po edhina lyaGeingob moku mu dhimbulukwa ngaashi a halele.
Presidente Nangolo Mbumba okwa nyanyukilwa Aanamibia molwa elandulathano nendjango mokutaambathana elelo lya ningwa, konima yeso lyanakusa presidente.
Momukanda gwa pitithwa Etiyali, okwa ti etaambathano ewanawa lyelelo olya ulike omukumo gwoshilongo.
"Onda fuulwa natango komukumo gweni, koku kala noshimpwiyu, kuukumwe wumwe nolukeno pethimbo lyuudhigu wopashigwana.
“Esimaneko nelandulathano ndjoka mwa holola iiwike itatu ya piti olyo esimaneko enene twa gandja mokudhimbulukwa nakusa kakukutu komatanga gwetu omuholike. Olyo endhindhiliko lyuukwatya wetu wopashigwana,” okwa ti.
Mbumba okwa nyanyukilwa wo aalilasa Aananamibia sho ya yambula po edhina lyaGeingob moku mu dhimbulukwa ngaashi a halele.
"Ngaashi presidente Geingob a halele tu longe, omaihumbato getu ongAanamibia oga li omawanawa notwa li twa vulu okuhangana nokusimaneka edhina lye momukalo gwe mu opalela.”
Olupandu
Mbumba okwa gwedha po: “Onkene onda hala okugandja olupandu lwa shewa kune, Aanamibia aakwetu, molwa omatumwalaka gomahekeleko, ehololo lyohole nomaimbilo omawanawa kumeme Monica Geingos, oluvalo, ezimo naantu ayehe ya gumwa kiilongapondoli yomuleli gwaNamibia omuholike”.
Okwa gandja wo olupandu kaapelesitende yiilongo nomapangelo, aaleli nookuume kaNamibia muuyuni molwa omatumwalaka gomahekeleko, uukwawo wankali nekwatho, mwa kwatelwa ekalopo lyawo lya simana pohungi dhimbuluko nefumviko lyopapangelo.
“Oku ulika uukwawo wankali kweni okwa kala olunza lwehekeleko manga twa li momutumba gokulilasa oosa dhopashigwana," okwa ti.
Geingob okwa fumvikwa kAanamibia, kaapelesitende nokezimo lye pOmawendo gOmapendafule [Heroes' Acre] ehuliloshiwike lya piti.
Momukanda gwa pitithwa Etiyali, okwa ti etaambathano ewanawa lyelelo olya ulike omukumo gwoshilongo.
"Onda fuulwa natango komukumo gweni, koku kala noshimpwiyu, kuukumwe wumwe nolukeno pethimbo lyuudhigu wopashigwana.
“Esimaneko nelandulathano ndjoka mwa holola iiwike itatu ya piti olyo esimaneko enene twa gandja mokudhimbulukwa nakusa kakukutu komatanga gwetu omuholike. Olyo endhindhiliko lyuukwatya wetu wopashigwana,” okwa ti.
Mbumba okwa nyanyukilwa wo aalilasa Aananamibia sho ya yambula po edhina lyaGeingob moku mu dhimbulukwa ngaashi a halele.
"Ngaashi presidente Geingob a halele tu longe, omaihumbato getu ongAanamibia oga li omawanawa notwa li twa vulu okuhangana nokusimaneka edhina lye momukalo gwe mu opalela.”
Olupandu
Mbumba okwa gwedha po: “Onkene onda hala okugandja olupandu lwa shewa kune, Aanamibia aakwetu, molwa omatumwalaka gomahekeleko, ehololo lyohole nomaimbilo omawanawa kumeme Monica Geingos, oluvalo, ezimo naantu ayehe ya gumwa kiilongapondoli yomuleli gwaNamibia omuholike”.
Okwa gandja wo olupandu kaapelesitende yiilongo nomapangelo, aaleli nookuume kaNamibia muuyuni molwa omatumwalaka gomahekeleko, uukwawo wankali nekwatho, mwa kwatelwa ekalopo lyawo lya simana pohungi dhimbuluko nefumviko lyopapangelo.
“Oku ulika uukwawo wankali kweni okwa kala olunza lwehekeleko manga twa li momutumba gokulilasa oosa dhopashigwana," okwa ti.
Geingob okwa fumvikwa kAanamibia, kaapelesitende nokezimo lye pOmawendo gOmapendafule [Heroes' Acre] ehuliloshiwike lya piti.
Comments
Namibian Sun
No comments have been left on this article