Etokolo lyOlutuwiliki lwolusheno otali ka ‘etela’ oshilando
Oshilando sha fala Olutuwiliki lwolusheno kompangu molwa okwiindika okutetwa ko olusheno
Naakalimo ye na oongunga dhelelo konyala dhobiliona yimwe, oshilandopangelo osha taalela onakuyiwa oya dhimeya ngele ompangu itayi mangulula muni gwaVenduka.
Oshilando shaVenduka osha ti otashi ka kala mo nayi ngele ompangu itayi ekekehi etokolo lyOlutuwiliki lwolusheno okwiindika omale goondoolopa nomikunda okuteta ko olusheno lwaayakulwa yawo nelalakano opo oongunga dhi futwe.
Momikanda dha gandjwa kOmpangu yOpombanda pomathimbo ngaka, Omukuluntupitithi gwoshilando shaVenduka Moses Matyayi okwa ti ngele inapu ningwa sha, etokolo ndika otali ka longiitha nuudhigu oshilandopangelo oshoka “okuteta ko olusheno lwaayakulwa mboka ye na oongunga okwo omukalo dhingi Muni gwaVenduka ha longitha mokugongela oongunga dhe maayakulwa ye”.
Etokolo lyamuni gwaVenduka okufala Olutuwiliki lwolusheno kompangu olwe etwa ketokolo lyOlutuwiliki lwolusheno – lya ningilwe mu Juni – ndjoka tali pula omalelo giitopolwa nosho wo oondoolooa nomikunda dhi hulithe po omukalo gokuteta ko olusheno lwaakayulwa yawl nelalakano opo ya fute oongunga dhawo. Okwi indile oondoolopa nomikunda dhi tale komikalo dhilwe dhokugongela oongunga, omikalo ndhoka tadhi iyutha koveta ya tulwa po.
Momukanda gwokiikundaneki gwa pitithwa mEtitano, Olutuwiliki lwolusheno olwa tseyitha kutya italu ka tala komakemo ga pamba okutetwa ko kolusheno lwaayakulwa molwa oongunga dhomayakulo galwe gamuni, omanga kwa tegelelwa etokolo lyompangu.
Sigo opethimbo ndyoka etokolo tali ka gandjwa, Olutuwiliki lwolusheno olwa ti olwa indikwa lwaa katukile onkatu omalelo goondoolopa nomikunda ndhoka hadhi tete ko olusheno lwaayakulwa molwa oongunga dhomayakulo galwe gamuni.
Oongunga dhoomiliona
Muni gwaVenduka ota ti Olutuwiliki lwolusheno olwa ningi etokolo manga inalu ya moonkundathana nayo. Ngashingeyi , aanamagumbo 58 000 yomaanamagumbo 69 668 moshilando oye na uuketha wolusheno, oshilando sha ti.
Etokolo, shi ikolela kumuni, olya ningwa pethimbo aakalimo yomoshilando ye na oongunga dhamuni dhoomiliona.
Muni okwa yemata wo molwashoka oonkambadhala dhe odhindji dhokugongela oongunga ohadhi yiwa moshipala.
Onkene, nokwaa vula okuteta ko olusheno, oshilando itashi ka kwashilipalekwa otashi ka futwa kaayakulwa yasho ayehe.
Shi ikolela ku Matyayi, Olutuwiliki lwolusheno olwa yakula ekemo lyomukalimo gomOvenduka a yemata molwa olusheno lwe lwa tetwa ko, naashika oshe eta Olutuwiliki lwolusheno lu kuthe etokolo omanga inali moonkundathana nayo.
Oshinakugwanithwa shomuhangukununi
Okwa ti kutya Olutuwiliki lwolusheno olu na owala oonkondo dhokukala omuhangukununi, paindilo lyakehe gumwe e na ehalo, nelalakano okukandula po omaupyakadhi pokati komalelo goondoolopa nomikunda naayakulwa yago ngele tashi ya kokuteta ko olusheno.
“Oonkondo dhokukala omuhangukununi inadhi gandja uuthemba wa pitilila kOlutuwiliki lwolusheno moNamibia li kuthe omatokolo momakemo ga tya ngaaka. Omuhangukununi ke na oonkondo dhokuninga omatokolo ga sha. Oshinakugwanithwa shomuhangukununi okukwathela mboka ye na uupyakadhi opo yu uvathane nkene taya kandula po uupyakadhi wawo,” Matyayi a nyola momikanda dha gandjwa kompangu.
Matyayi okwa holola wo kutya Olutuwiliki lwolusheno kalu na oonkondo dhokukandula po omaupyakadhi nenge dhokukutha omatokolo, okwa gwedha po kutya Olutuwiliki lwolusheno olu na owala oshinakugwanitha shokweeta po oompango nomalandulathano.
Euvathano naakalimo
Okwa ndhindhilike kutya, omanga aakalimo ohaya vulu oku ka teka omeya palwe uuna omeya gawo ga tetwa ko, okumona olusheno okudhigu kashona. Oonkambadhala dhilwe odha nika oshiponga, oshoka odha guma kokutululilwa mo olusheno shaa li paveta.
“Ndika olyo etompelo ekwawo okuteta ko omeya gaayakulwa ongonkambadhala yokugongela oongunga ihaku longo nande, okwa gwedha po wo kutya aakalimo ayehe yomOvenduka oya zimina olusheno lwawo lu tetwe ko ngele ye na oongunga dhamuni , naashika oye shi zimine sho ya ningi omaindilo nenge ya landa omagumbo.
Matyayi okwa ti wo: “Nonande ookastoma dhi na uuketha wolusheno ohadhi landa olusheno lwawo, oshimaliwa shokukaleka po iikwamalusheno nokukwashilipaleka otaga andjaganekwa noga tamununwa mo ga thike koyendji, oshimaliwa ashihe sha pumbiwa kumuni gwaVenduka ihashi zi mokulanditha olusheno onkene ohashi zi miifuta, miifendela niihohela yilwe hayi pulwa kumuni gwaVenduka.”
Nonande Olutuwiliki lwolusheno inalu yamukula natango komakemo gaMuni gwaVenduka, aakalelipo yopaveta yalyo oya ti otaya ka kondjitha eindilo ndika lyopaveta lyamuni gwaVenduka.
Momikanda dha gandjwa kOmpangu yOpombanda pomathimbo ngaka, Omukuluntupitithi gwoshilando shaVenduka Moses Matyayi okwa ti ngele inapu ningwa sha, etokolo ndika otali ka longiitha nuudhigu oshilandopangelo oshoka “okuteta ko olusheno lwaayakulwa mboka ye na oongunga okwo omukalo dhingi Muni gwaVenduka ha longitha mokugongela oongunga dhe maayakulwa ye”.
Etokolo lyamuni gwaVenduka okufala Olutuwiliki lwolusheno kompangu olwe etwa ketokolo lyOlutuwiliki lwolusheno – lya ningilwe mu Juni – ndjoka tali pula omalelo giitopolwa nosho wo oondoolooa nomikunda dhi hulithe po omukalo gokuteta ko olusheno lwaakayulwa yawl nelalakano opo ya fute oongunga dhawo. Okwi indile oondoolopa nomikunda dhi tale komikalo dhilwe dhokugongela oongunga, omikalo ndhoka tadhi iyutha koveta ya tulwa po.
Momukanda gwokiikundaneki gwa pitithwa mEtitano, Olutuwiliki lwolusheno olwa tseyitha kutya italu ka tala komakemo ga pamba okutetwa ko kolusheno lwaayakulwa molwa oongunga dhomayakulo galwe gamuni, omanga kwa tegelelwa etokolo lyompangu.
Sigo opethimbo ndyoka etokolo tali ka gandjwa, Olutuwiliki lwolusheno olwa ti olwa indikwa lwaa katukile onkatu omalelo goondoolopa nomikunda ndhoka hadhi tete ko olusheno lwaayakulwa molwa oongunga dhomayakulo galwe gamuni.
Oongunga dhoomiliona
Muni gwaVenduka ota ti Olutuwiliki lwolusheno olwa ningi etokolo manga inalu ya moonkundathana nayo. Ngashingeyi , aanamagumbo 58 000 yomaanamagumbo 69 668 moshilando oye na uuketha wolusheno, oshilando sha ti.
Etokolo, shi ikolela kumuni, olya ningwa pethimbo aakalimo yomoshilando ye na oongunga dhamuni dhoomiliona.
Muni okwa yemata wo molwashoka oonkambadhala dhe odhindji dhokugongela oongunga ohadhi yiwa moshipala.
Onkene, nokwaa vula okuteta ko olusheno, oshilando itashi ka kwashilipalekwa otashi ka futwa kaayakulwa yasho ayehe.
Shi ikolela ku Matyayi, Olutuwiliki lwolusheno olwa yakula ekemo lyomukalimo gomOvenduka a yemata molwa olusheno lwe lwa tetwa ko, naashika oshe eta Olutuwiliki lwolusheno lu kuthe etokolo omanga inali moonkundathana nayo.
Oshinakugwanithwa shomuhangukununi
Okwa ti kutya Olutuwiliki lwolusheno olu na owala oonkondo dhokukala omuhangukununi, paindilo lyakehe gumwe e na ehalo, nelalakano okukandula po omaupyakadhi pokati komalelo goondoolopa nomikunda naayakulwa yago ngele tashi ya kokuteta ko olusheno.
“Oonkondo dhokukala omuhangukununi inadhi gandja uuthemba wa pitilila kOlutuwiliki lwolusheno moNamibia li kuthe omatokolo momakemo ga tya ngaaka. Omuhangukununi ke na oonkondo dhokuninga omatokolo ga sha. Oshinakugwanithwa shomuhangukununi okukwathela mboka ye na uupyakadhi opo yu uvathane nkene taya kandula po uupyakadhi wawo,” Matyayi a nyola momikanda dha gandjwa kompangu.
Matyayi okwa holola wo kutya Olutuwiliki lwolusheno kalu na oonkondo dhokukandula po omaupyakadhi nenge dhokukutha omatokolo, okwa gwedha po kutya Olutuwiliki lwolusheno olu na owala oshinakugwanitha shokweeta po oompango nomalandulathano.
Euvathano naakalimo
Okwa ndhindhilike kutya, omanga aakalimo ohaya vulu oku ka teka omeya palwe uuna omeya gawo ga tetwa ko, okumona olusheno okudhigu kashona. Oonkambadhala dhilwe odha nika oshiponga, oshoka odha guma kokutululilwa mo olusheno shaa li paveta.
“Ndika olyo etompelo ekwawo okuteta ko omeya gaayakulwa ongonkambadhala yokugongela oongunga ihaku longo nande, okwa gwedha po wo kutya aakalimo ayehe yomOvenduka oya zimina olusheno lwawo lu tetwe ko ngele ye na oongunga dhamuni , naashika oye shi zimine sho ya ningi omaindilo nenge ya landa omagumbo.
Matyayi okwa ti wo: “Nonande ookastoma dhi na uuketha wolusheno ohadhi landa olusheno lwawo, oshimaliwa shokukaleka po iikwamalusheno nokukwashilipaleka otaga andjaganekwa noga tamununwa mo ga thike koyendji, oshimaliwa ashihe sha pumbiwa kumuni gwaVenduka ihashi zi mokulanditha olusheno onkene ohashi zi miifuta, miifendela niihohela yilwe hayi pulwa kumuni gwaVenduka.”
Nonande Olutuwiliki lwolusheno inalu yamukula natango komakemo gaMuni gwaVenduka, aakalelipo yopaveta yalyo oya ti otaya ka kondjitha eindilo ndika lyopaveta lyamuni gwaVenduka.
Comments
Namibian Sun
No comments have been left on this article