Natiili ta kambadhala okukutha mo ongandu mondama yEtaka
Kamunsela gwOshikandjohogololo shaNesi Festus Petrus okwa londodha aakalimo yomOnesi noyopomidhingoloko dhopopepi kaya kwate oohi mondama yEtaka manga natiili ta kambadhala okukutha mo ongandu ndjoka ya monika mondama.
Ondama ndjika otayi adhika mOnesi mOshitopolwa shaMusati, yina uule wookilometa 14 okuza kuumbangalantu okuya kuumbugantu.
Petrus okwa lombwele oshikundaneki shoNamibian Sun oshiwike shike kutya okumonika kwongandu mEtaka okwa nika oshiponga kaantu nokiimuna. Okwa indile oshigwana shaakwate oohi mondama moka.
Ongandu oya monika kaakwashigwana lwotango momasiku 3 Januali 2025 pethimbo lyomutenya, mboka ya li taya kwata oohi pethimbo ndyoka.
“Omo nda li moshitopolwa, onkene oya tseyithile ndje mbala, nonde ki italela ko mwene. Opo ihe onda kwata okavidio opo ndi tseyithile oshigwana noshowo naatili,” Petrus a ti.
Okwa gwedha po kutya omahokololo kombinga yongandu ya kala mondama omakulu gomo2003/2004, ashike inaga itaalwa pethimbo ndjoka molwashoka kapwa li uumbangi washa.
MOsoondaha, Petrus pamwe naambelewa oye ya pondama, nongandu oye yi mono natango, nonando oya li kokule naampoka ya monikile oshikando shotango.
“Sho aanambelewa ya mete uule wayo, oye yi tengenekele puule wometa 1.6. Ongandu onene otayi vulu yi koke yi adhe oometa ntano. Kakele, kutya ongandu onshona nayo oya nika oshiponga. Otatu longele kumwe nopolisi, nanaatili noshowo nElelo lyOshitopolwa shaMusati, notwa tegelela okambautu nonete opo tu yi kuthe mo,” okwa ti.
Petrus okwa kunkilile oshigwana kutya otashi vulika mu na oongandu odhindji mondama nokwi indile wo oshigwana shi kale sha tonata sho uuministeli tau tsikile nokutala konkalo ndjika.
Romeo Muyunda, omupopiliko gwuuministeli womidhingoloko, okwe shi koleke ohela kutya uuministeli otau tala konkalo opo wu kuthe etokolo tali opalele.
“Shoka tatu vulu okuninga po, osha kwatela mo okukutha mo ongandu, shampa onkalo noonzo dhi li po. Otatu kunkilile aakwashigwana ya kotoke ngele ya mono ongandu nokwi indile oshigwana shaa piyaganeke nenge shi dhipage ongandu,” Muyunda a ti.
Ondama ndjika otayi adhika mOnesi mOshitopolwa shaMusati, yina uule wookilometa 14 okuza kuumbangalantu okuya kuumbugantu.
Petrus okwa lombwele oshikundaneki shoNamibian Sun oshiwike shike kutya okumonika kwongandu mEtaka okwa nika oshiponga kaantu nokiimuna. Okwa indile oshigwana shaakwate oohi mondama moka.
Ongandu oya monika kaakwashigwana lwotango momasiku 3 Januali 2025 pethimbo lyomutenya, mboka ya li taya kwata oohi pethimbo ndyoka.
“Omo nda li moshitopolwa, onkene oya tseyithile ndje mbala, nonde ki italela ko mwene. Opo ihe onda kwata okavidio opo ndi tseyithile oshigwana noshowo naatili,” Petrus a ti.
Okwa gwedha po kutya omahokololo kombinga yongandu ya kala mondama omakulu gomo2003/2004, ashike inaga itaalwa pethimbo ndjoka molwashoka kapwa li uumbangi washa.
MOsoondaha, Petrus pamwe naambelewa oye ya pondama, nongandu oye yi mono natango, nonando oya li kokule naampoka ya monikile oshikando shotango.
“Sho aanambelewa ya mete uule wayo, oye yi tengenekele puule wometa 1.6. Ongandu onene otayi vulu yi koke yi adhe oometa ntano. Kakele, kutya ongandu onshona nayo oya nika oshiponga. Otatu longele kumwe nopolisi, nanaatili noshowo nElelo lyOshitopolwa shaMusati, notwa tegelela okambautu nonete opo tu yi kuthe mo,” okwa ti.
Petrus okwa kunkilile oshigwana kutya otashi vulika mu na oongandu odhindji mondama nokwi indile wo oshigwana shi kale sha tonata sho uuministeli tau tsikile nokutala konkalo ndjika.
Romeo Muyunda, omupopiliko gwuuministeli womidhingoloko, okwe shi koleke ohela kutya uuministeli otau tala konkalo opo wu kuthe etokolo tali opalele.
“Shoka tatu vulu okuninga po, osha kwatela mo okukutha mo ongandu, shampa onkalo noonzo dhi li po. Otatu kunkilile aakwashigwana ya kotoke ngele ya mono ongandu nokwi indile oshigwana shaa piyaganeke nenge shi dhipage ongandu,” Muyunda a ti.
Comments
Namibian Sun
No comments have been left on this article