Ohangwena ya pata ooskola omolwa efundja
Konima owala yomasiku gatano sho oshikako shooskola shomvula ompe sha tameke, oshikondo shelongo moshitopolwa shaHangwena osha tseyitha epato lyooskola mbali moshitopolwa shoka, omolwa efundja nokutuma komagumbo aanaskola ya thika po 800.
Omukwateli komeho gwelongo moHangwena, Isak Hamatwi okwa lombwele oNamibian Sun kutya Onghala Combined School, ndjoka yi na aanaskola yeli po 500 oshowo Shingunguma Primary School, yi na aanaskola yeli po 331 otadhi pata manga uule wiiwike iyali.
Omapulo ngele ooskola itadhi vulu okumona uuwato wokupititha aanona mboka omeya, Hamatwi okwa popi kutya shoka otashi ka kala eyambidhidho enene ngele oye li mono.
Okwa popi kutya otaya ka gandja olopota yawo kombelewa yOmuprima opo ya tale kutya otaya vulu okumona ekwatho lyoludhi luni.
Momaandaha, Hamatwi okwa tseyitha kutya ooskola dha thika puhamano odha gumwa kefundja moshitopolwa, nooskola dhoka otadhi adhika owala moshikandjo shaHangwena shoka shi li uushiinda noongamba dhaAngola hoka taku zilile efundja.
Ooskola dhoka dha gumwa ngaashi Onyofi Combined School, Ndilokelwa Primary School, Udjombala Senior Secondary School oshowo Ohaingu Primary School.
Hamatwi okwa tsikile kutya omolwa egameno lyaanona ngele onkalo ndjoka oya nayipala ooskola dhoka otadhi ka patwa manga.
Poskola yedhina Onghala Combined School pethimbo yomutumba gwa ningwa naavali, omukuluntuskola Absai Haiduwa okwa popi kutya ngele ondjele yomeya inayi shuna pevi konima yiiwike iyali nena otaya ka lelepeka epato lyoskola.
“Otwa kaleke ootundi omolwa egameno lyanona. Momeya omu na omayoka, na oshi li oshiponga kaanona nonando aavali yamwe ohaya kwathele aanona mboka aashoka okupita omeya.”
Okwa gwedhapo kutya elelo lyoskola otali ka tseyitha aaleli yopamuthigululwakalo ya ninge omatseyitho mooradio kutya ootundi otadhi ka tameka ishewe uunake.
Anna Haimbala gumwe gwomaavali mboka ya kala moshigongi shoka sha ningwa, oku na aanona yatatu haya hiti oskola pOnghala.
Okwa popi kutya nonando okuuvite nayi omolwa ootundi dhaanona dhoka dha piyaganekwa okwa popi kutya kape na ngoka ta vulu okupewa ombedhi omolwa efundja molwaashoka mboka uupyakadhi wopaushitwe.
Omuvali gumwe, Talaonghenda Nghidengwa, naye okwa gandja omaiyuvo ga faathana, naavali mboka oya taaguluka iishana yuudha omeya sho ye ya koshigongi oshowo mokushuna komagumbo gawo.
Ekanitho lyomwenyo
Okwa lopotwa Lucia Ndapandu Nghinananye (10) a si omeya mondama yomeya momukunda Omungwelume moshikandjohogololo Ongenga omutenya gwOsoondaha.
Opolisi oya lopota kutya nakusa pamwe nayakwawo oyali taya kwata oohi.
Omupopiliko gwopolisi yaNamibia, Chief Inspector Kauna Shikwambi, okwa kunkilile aakwashigwana opo kaya dhine ondjele yomeya oshowo oonkondo dhomeya gefundja.
“Sho omeya ogendji ngashiingeyi oyendji otaya tameke okukwata ohi oshowo omafuma naanona otaya tameke okuyoga omeya omanga yamwe taya taaguluka omeya moondjila dhawo okuya koskola. Aakwashigwana naya kale ya angala aluhe omeya.”
Shikwambi okwa tseyithile woo aavali ya longe aanona kombinga yoshiponga shokutaaguluka nokuyoga momeya.
Omukwateli komeho gwelongo moHangwena, Isak Hamatwi okwa lombwele oNamibian Sun kutya Onghala Combined School, ndjoka yi na aanaskola yeli po 500 oshowo Shingunguma Primary School, yi na aanaskola yeli po 331 otadhi pata manga uule wiiwike iyali.
Omapulo ngele ooskola itadhi vulu okumona uuwato wokupititha aanona mboka omeya, Hamatwi okwa popi kutya shoka otashi ka kala eyambidhidho enene ngele oye li mono.
Okwa popi kutya otaya ka gandja olopota yawo kombelewa yOmuprima opo ya tale kutya otaya vulu okumona ekwatho lyoludhi luni.
Momaandaha, Hamatwi okwa tseyitha kutya ooskola dha thika puhamano odha gumwa kefundja moshitopolwa, nooskola dhoka otadhi adhika owala moshikandjo shaHangwena shoka shi li uushiinda noongamba dhaAngola hoka taku zilile efundja.
Ooskola dhoka dha gumwa ngaashi Onyofi Combined School, Ndilokelwa Primary School, Udjombala Senior Secondary School oshowo Ohaingu Primary School.
Hamatwi okwa tsikile kutya omolwa egameno lyaanona ngele onkalo ndjoka oya nayipala ooskola dhoka otadhi ka patwa manga.
Poskola yedhina Onghala Combined School pethimbo yomutumba gwa ningwa naavali, omukuluntuskola Absai Haiduwa okwa popi kutya ngele ondjele yomeya inayi shuna pevi konima yiiwike iyali nena otaya ka lelepeka epato lyoskola.
“Otwa kaleke ootundi omolwa egameno lyanona. Momeya omu na omayoka, na oshi li oshiponga kaanona nonando aavali yamwe ohaya kwathele aanona mboka aashoka okupita omeya.”
Okwa gwedhapo kutya elelo lyoskola otali ka tseyitha aaleli yopamuthigululwakalo ya ninge omatseyitho mooradio kutya ootundi otadhi ka tameka ishewe uunake.
Anna Haimbala gumwe gwomaavali mboka ya kala moshigongi shoka sha ningwa, oku na aanona yatatu haya hiti oskola pOnghala.
Okwa popi kutya nonando okuuvite nayi omolwa ootundi dhaanona dhoka dha piyaganekwa okwa popi kutya kape na ngoka ta vulu okupewa ombedhi omolwa efundja molwaashoka mboka uupyakadhi wopaushitwe.
Omuvali gumwe, Talaonghenda Nghidengwa, naye okwa gandja omaiyuvo ga faathana, naavali mboka oya taaguluka iishana yuudha omeya sho ye ya koshigongi oshowo mokushuna komagumbo gawo.
Ekanitho lyomwenyo
Okwa lopotwa Lucia Ndapandu Nghinananye (10) a si omeya mondama yomeya momukunda Omungwelume moshikandjohogololo Ongenga omutenya gwOsoondaha.
Opolisi oya lopota kutya nakusa pamwe nayakwawo oyali taya kwata oohi.
Omupopiliko gwopolisi yaNamibia, Chief Inspector Kauna Shikwambi, okwa kunkilile aakwashigwana opo kaya dhine ondjele yomeya oshowo oonkondo dhomeya gefundja.
“Sho omeya ogendji ngashiingeyi oyendji otaya tameke okukwata ohi oshowo omafuma naanona otaya tameke okuyoga omeya omanga yamwe taya taaguluka omeya moondjila dhawo okuya koskola. Aakwashigwana naya kale ya angala aluhe omeya.”
Shikwambi okwa tseyithile woo aavali ya longe aanona kombinga yoshiponga shokutaaguluka nokuyoga momeya.
Comments
Namibian Sun
No comments have been left on this article