Elelo lyaNdonga tali gamene ooyene yoofaalama kOkashana
Aakalimo yopomudhingoloko ya konda omi-20 oya mangwa po sigo opo mpaka
Omalenga omanene gaNdonga oga tindi okugandja omusholondondo goonakumona omauwanawa nosho wo omilandu dha longithwa opo ya hogololwe.
Nonande elelo lyaNdonga olya koleka kutya olya thitha oohekta 20 sigo 50 dhevi lyaayehe uule woomvula ntano koshimaliwa sho N$20 600, Elelo lyaNdonga olya tinda okugandja
omusholondondo gwoonakumona omauwanawa ye li 54 – yamwe mboka taku hokololwa kutya aanapolitika nookuume kawo – mehala lyOkashana Kuukongo waNehale, shika osha thiga aakalimo yomomudhingoloko yaa na uulithilo wa gwana.
Omusholondondo gwomadhina gu li komalungula otagu ti kutya oonakumona omauwanawa gehala omwa kwatelwa, aanangeshefa ya tseyika nawa, oohahende nookuume naakwanezimo yomalenga omanene gaNdonga mboka taku tiwa oya longitha enwethe mo lyawo opo ya pewe evi, ndjoka ya tula moondhalate, omanga ya thiga aanahambo naanafaalama yomomudhingoloko taya kondjele uulithilo ya thigilwa po.
Oshigongi shiikundaneki sha ningilwa ohela poombelewa dhoshilongo mOndangwa, osha thigi aatoolinkundana ya kumwa, sho omunashipundi gwElelo lyaNdonga John Walenga opamwe nomalenga omakwawo omanene ya nyengwa okuyamukula omapulo kombinga yoshikumungu shika.
Oshikwawo, oya ningi omapopyo ga yooloka kombinga yiikolokosha yevi kOkashana Kuukongo waNehale mOshitopolwa shaShikoto.
Walenga okwa ti Elelo inali yakula okopi yomukandanyenyeto gwaakwashigwana ya yemata, noshikumungu inashi lopotelwa Ombelewa yOshilongo.
Omusholondondo kagu shi gwoshigwana
Noshipopiwa sha longekidhwa, Walenga okwa holola kutya elelo olyu ulike omuthaneki gwomavi (land surveyor) Kondjashili Moses gwongeshefa yedhina Business Success Consulting, a tende oohekta 2 700 dhOkashana Kuukongo waNehale moofaalama 54, ndhoka dha pewa oohandimwe ya ka longe iikunomwa.
Okwa ti oonakumona omauwanawa oya pewa oonzapo dhokuthitha evi mo2023, ye dhi pewa kOmukwaniilwa gwaNdonga Fillemon Shuumbwa Nangolo, noye awike e na uuthemba wehala ndyoka tali popiwa nota vulu oku li topelela aantu kuye mwene.
Pethimbo lyolweetho lwomapulo nomayamukulo naatoolinkundana, sho ya pulwa omusholondondo gwoonakumona omauwanawa noya pewa oonzapo, Walenga okwa ti omusholondondo itagu gandjwa.
“Omusholondondo kagu po,” Walenga a ti.
Aatoolinkundana oya tseyithilwa kutya elelo otali talulula natango omusholondondo, nonande taku hokololwa oonakumona uuwanawa oya tula ko nale oondhalate noya tameka nale okukuna.
Ongeyo tayi lundu
Aanahambo 20 ya yemata yokOkashana Kuukongo waNehale oya mangwa po pomathimbo mpaka konima yokuyonagula po ondhalate yaSimon Urbanus Nambahu, nakumona uuwanawa moskema ndjika. Nambahu okwa hokolola kutya okwa kanitha N$500 000 sho ondhalate ye ya yonagulwa po.
Oshiningwanima osha ningwa konima sho aanahambo naanafaalama ethele ya yemata naakalimo yomOkashana, oya ningile ehololomadhiladhilo lyopambili mOmuthiya nokugandja omukandanyenyeto gwawo kuNgoloneya gwoshitopolwa shaShikoto Penda Ya Ndakolo, taya ndile ekwatho moshinima shika.
Ongundu ndjika oya pele Ya Ndakolo esiku lyahugunina lyokukala a yamukula, shoka inaa ninga. Anuwa, shoka oshe eta eyonagulo lyoondhalate dhoofaalama hamano.
Walenga ohela okwa ti elelo lyopamuthigululwakalo natango inali yakula omukandanyenyeto gwehololomadhiladhilo lya ningilwe 5 Septemba.
Iikulya ya gwana
Walenga okwa ti oofaalama odha gandjwa konima sho Nangolo a hiya oohandimwe ye na ehalo opo ya ninge omaindilo gevi.
Omanga Walenga ta ti etseyitho ndika lya zi kOmukwaniilwa olya nyanyangidhwa lwiikando iheyali, ye opamwe nomalenga omakwawo ga li moshigongi inaya vula okugandja omasiku nomauyelele ga gwedhwa po ohela.
Peha lyaashoka, Walenga okwa endulula kutya oshinyangadhalwa( elalakano) lyomukwaaniilwa otashi lalakanene okulonga iikulya ya gwana.
“Elalakano lyaTate Omukwaniilwa okutokola kutya oshitopolwa shOkashana Kuukongo waNehale ka longithwe ongiikunino olyo ewanawa oshoka otali kondjitha ondjala nokugwedha kiikulya opo yi gwane noshowo ehumokomeho lyoshilongo,” Walenga a ti.
Kombinga yuuthilithilo tau popiwa, Walenga okwa ti kutya Okashana ehala enene nokutya ope na uulithilo wa gwana wu li po.
Okwi indile aakalimo mboka ya yemata ya landule omilandu nomifango dhomondjila uuna taya lopota iikumungu kelelo lyopamuthigululwakalo noyaa ikuthile oveta momake gawo.
[email protected]
omusholondondo gwoonakumona omauwanawa ye li 54 – yamwe mboka taku hokololwa kutya aanapolitika nookuume kawo – mehala lyOkashana Kuukongo waNehale, shika osha thiga aakalimo yomomudhingoloko yaa na uulithilo wa gwana.
Omusholondondo gwomadhina gu li komalungula otagu ti kutya oonakumona omauwanawa gehala omwa kwatelwa, aanangeshefa ya tseyika nawa, oohahende nookuume naakwanezimo yomalenga omanene gaNdonga mboka taku tiwa oya longitha enwethe mo lyawo opo ya pewe evi, ndjoka ya tula moondhalate, omanga ya thiga aanahambo naanafaalama yomomudhingoloko taya kondjele uulithilo ya thigilwa po.
Oshigongi shiikundaneki sha ningilwa ohela poombelewa dhoshilongo mOndangwa, osha thigi aatoolinkundana ya kumwa, sho omunashipundi gwElelo lyaNdonga John Walenga opamwe nomalenga omakwawo omanene ya nyengwa okuyamukula omapulo kombinga yoshikumungu shika.
Oshikwawo, oya ningi omapopyo ga yooloka kombinga yiikolokosha yevi kOkashana Kuukongo waNehale mOshitopolwa shaShikoto.
Walenga okwa ti Elelo inali yakula okopi yomukandanyenyeto gwaakwashigwana ya yemata, noshikumungu inashi lopotelwa Ombelewa yOshilongo.
Omusholondondo kagu shi gwoshigwana
Noshipopiwa sha longekidhwa, Walenga okwa holola kutya elelo olyu ulike omuthaneki gwomavi (land surveyor) Kondjashili Moses gwongeshefa yedhina Business Success Consulting, a tende oohekta 2 700 dhOkashana Kuukongo waNehale moofaalama 54, ndhoka dha pewa oohandimwe ya ka longe iikunomwa.
Okwa ti oonakumona omauwanawa oya pewa oonzapo dhokuthitha evi mo2023, ye dhi pewa kOmukwaniilwa gwaNdonga Fillemon Shuumbwa Nangolo, noye awike e na uuthemba wehala ndyoka tali popiwa nota vulu oku li topelela aantu kuye mwene.
Pethimbo lyolweetho lwomapulo nomayamukulo naatoolinkundana, sho ya pulwa omusholondondo gwoonakumona omauwanawa noya pewa oonzapo, Walenga okwa ti omusholondondo itagu gandjwa.
“Omusholondondo kagu po,” Walenga a ti.
Aatoolinkundana oya tseyithilwa kutya elelo otali talulula natango omusholondondo, nonande taku hokololwa oonakumona uuwanawa oya tula ko nale oondhalate noya tameka nale okukuna.
Ongeyo tayi lundu
Aanahambo 20 ya yemata yokOkashana Kuukongo waNehale oya mangwa po pomathimbo mpaka konima yokuyonagula po ondhalate yaSimon Urbanus Nambahu, nakumona uuwanawa moskema ndjika. Nambahu okwa hokolola kutya okwa kanitha N$500 000 sho ondhalate ye ya yonagulwa po.
Oshiningwanima osha ningwa konima sho aanahambo naanafaalama ethele ya yemata naakalimo yomOkashana, oya ningile ehololomadhiladhilo lyopambili mOmuthiya nokugandja omukandanyenyeto gwawo kuNgoloneya gwoshitopolwa shaShikoto Penda Ya Ndakolo, taya ndile ekwatho moshinima shika.
Ongundu ndjika oya pele Ya Ndakolo esiku lyahugunina lyokukala a yamukula, shoka inaa ninga. Anuwa, shoka oshe eta eyonagulo lyoondhalate dhoofaalama hamano.
Walenga ohela okwa ti elelo lyopamuthigululwakalo natango inali yakula omukandanyenyeto gwehololomadhiladhilo lya ningilwe 5 Septemba.
Iikulya ya gwana
Walenga okwa ti oofaalama odha gandjwa konima sho Nangolo a hiya oohandimwe ye na ehalo opo ya ninge omaindilo gevi.
Omanga Walenga ta ti etseyitho ndika lya zi kOmukwaniilwa olya nyanyangidhwa lwiikando iheyali, ye opamwe nomalenga omakwawo ga li moshigongi inaya vula okugandja omasiku nomauyelele ga gwedhwa po ohela.
Peha lyaashoka, Walenga okwa endulula kutya oshinyangadhalwa( elalakano) lyomukwaaniilwa otashi lalakanene okulonga iikulya ya gwana.
“Elalakano lyaTate Omukwaniilwa okutokola kutya oshitopolwa shOkashana Kuukongo waNehale ka longithwe ongiikunino olyo ewanawa oshoka otali kondjitha ondjala nokugwedha kiikulya opo yi gwane noshowo ehumokomeho lyoshilongo,” Walenga a ti.
Kombinga yuuthilithilo tau popiwa, Walenga okwa ti kutya Okashana ehala enene nokutya ope na uulithilo wa gwana wu li po.
Okwi indile aakalimo mboka ya yemata ya landule omilandu nomifango dhomondjila uuna taya lopota iikumungu kelelo lyopamuthigululwakalo noyaa ikuthile oveta momake gawo.
[email protected]
Comments
Namibian Sun
No comments have been left on this article