Oshikumungu shuundjugo wokOmusati sha hulu negeelo lyoomvula 12 mondholongo

Konima yoomvula 16, otendela yepangelo yokutunga uundjugo welambo mOmusati – moka etungo lyuundjugo woshigwana li na uundjugo welambo 12 olya tungwa koshimaliwa N$770 000 peha N$16 000 – oya hulu negeelo lyoomvula 12 mondholongo lyomunangeshefa Samson Shandjuuka mu Febuluali.Oshipotha osha kala nokuungaungiwa nasho okuza mo2008 nosha yi metifa mo2010 sho ooquotation dha kongwa kiikundaneki nodha ulike kutya epangelo olya pulwa oshimaliwa N$770 000 mokutunga uundjugo moshitopolwa shaTsandi, omanga ondando yoshili oya li owala N$16 000.Epangelo olya gandja oomiliona N$20 kElelo lyoshitopolwa shaMusati kohi yopolohalama yokukaleka po uuyogoki, ndjoka ya li tayi lalakanene okutungila aakalimo yomoshitopolwa uundjugo.Pethimbo ndyoka, Namibian Sun okwa kundanekele kutya konyala oopelesenda 75% dhomagumbo moshitopolwa shoka kage na uundjugo, shoka she eta opo Okakomisi kOmathaneko goPashigwana ka tothe mo oshitopolwa shaMusati opo shi kwathwe kopolohalama ndjoka.Iitopolwa yilwe mbyoka ya mona uuwanawa okupitila moshinyangadhalwa shika sha faathana shokutunga uundjugo – ongaashi Oshana, Ohangwena, Kavango naZambezi – noya tungu okandjugo kamwe koshimaliwa shopokati N$10 000 no N$12 000.Ondilo Unene MOmusati, uundjugo welambo 12 mOndukuta moshikandjohogololo shaTsandi okwa tiwa anuwa owu na na N$770 000 – hanga wa faathana nokutunga omagumbo gahamano ganiiyemo iishona moshitopolwa moka natango.Oshikwawo, Oshitopolwa shaMusati otaku hokololwa sha longitha ontengenekothaneko yasho yoomiliona N$20 okutunga owala uundjugo welambo 60, shoka tashi ti okandjugo kamwe kelambo oka tungwa ko N$333 000.Shandjuuka, nongeshefa ye, anuwa oya ningi oquotation yomateriala ga pumbiwa okutungitha uundjugo noya lundulula oondando opo ye dhi gwedhele.Okakomisi kOkukondjitha Uulingilingi (ACC) oka kala ta ka ungaunga noshipotha moomvula ndhoka, nomapeko ga pamba oshipotha shika oga tuminwe kombelewa yomutamaneki ndjai iikando oyindji.“Oshikando shimwe, oshipotha hanga sha sa po. Osha li pokweekelwahi, ashike uumbangi wothaathaa owa monika nosho ngawo oshipotha osha yumuka po,” omunambelewa gwOkakomisi kOkukondjitha Uulingilingi osho a lombwele Namibian Sun.Hugunina, Shandjuuka okwa tamanekwa nokumonika ondjo. Okwa pewa egeelo lyoomvula 24 mondholongo, noomvula 12 otadhi dhengele, omanga ndhoka dha hupa ko 12 otadhi vulu okufutilwa po N$106 000. Ongeshefa ye kuyoyene oya futithwa N$102 000.Ehangano lyoThe Institute for Public Policy Research (IPPR) olya pititha olopota mu Mai 2011, tayi kwatakanitha aanambelewa aanene mepangelo nokukala ye na oongeshefa dha kwatelwa mo mopoloyeka ndjika.Okukoleka einekelo lyoshigwana Omupopiliko gwOkakomisi kOkukondjitha Uulingilingi Josefina Nghituwamata okwa lombwele Namibian Sun kutya oshipotha shika, opamwe niipotha iikwawo mbyoka ya manithwa nuumvo, oya tsa omukumo Okakomisi ka gandje oolopota dhokomumvo ongoshitopolwa shoonkambadhala dhOkakomisi okwaandjaganeka omauyelele moshigwana okupitila mokugandja uuyelele womondjila."Omusholondondo gwiipotha ya manithwa ogwa tumwa moshigwana opo shi mone shoka sha longwa po kombinga yiipotha yuulingilingi moshilongo muule womumvo aguhe. Shika inashi ningwa nale. Nonande iipotha oyindji oya manithwa, aantu kaya li ye shi tseya. Otwa dhimbulula kutya ope na omwaka omunene mOkakomisi mokwaandjaganeka omauyelele, notwa hala shika sha lunduluka," okwa fatulula.Nghituwamata okwa zimine kutya oshigwana osha tameka tashi kanitha omukumo mOkakomisi mokukondjitha shili uulingilingi, ashike oku na etegameno kutya oshinyangadhalwa shika otashi ka kwatha mokukolekulula einekelo lyoshigwana. Okwa fatulula wo kutya ekateko mokumanitha iipotha kashi shi epuko lyOkakomisi ihe osha pamba omilandu dhopaveta (koompangu)."Mupya munene, katu na oonkondo dhokumanitha iipotha oshoka Okakomisi kOkukondjitha Uulingilingi ihaka tamaneke nokupangula," okwa holola."Okwa hokolol kutya omusholondondo gwiipotha ya manithwa ogwo uumbangi wokulonga nuudhiginini wOkakomisi kOkukondjitha Uulingilingi," okwa gwedha po.

Oshikumungu shuundjugo wokOmusati sha hulu negeelo lyoomvula 12 mondholongo

Comments

Namibian Sun 2024-11-15

Please login to leave a comment

Oshikumungu shuundjugo wokOmusati sha hulu negeelo lyoomvula 12 mondholongo

Comments

Namibian Sun 2024-11-15

Please login to leave a comment

Login