Omukiintu a kwatwa onkonga mondjila yokuza kongeleka
Okwa ponokelwa nombele pethimbo lyoshiningwanima
Opolisi oya hokolola kutya omukiintu okwa kwatwa onkonga komulumentu konima yokulefa okataksi konima yomambo mOsoondaha.
Omukiintu gwomimvo 31 oye oshihakanwa oshitalalatalala shekwatonkonga mOshitopolwa shaShana konima sho taku hokololwa a ponokelwa nokukwata onkonga komuhingi gwokataski mondjila yokuza kongeleka kOmatando mOngwediva ongulohi yOsoondaha.
Opolisi oya ti oshiningwanima osha ningwa lwopotundi ontimugoyi yuusiku sho oshihakanwa sha li tashi zi kOngeleka yaPastoli Shoombe. Omukwatakanithi gwomakonakono giimbuluma mOshana, Omupevi Komufala Frederick Ndjadila, okwa hokolola kutya oshihakanwa osha lefe okataksi okatokele kaa ke na onomola yohauto yokonima nokutya oku uka (ota falwa) kOshakati.
Omukiintu okwa ti kutya omuhingi gwokataski okwe mu lombwele kutya okwa hala oku ka pitula aafaalelwa yaali mOmatando. Kakele, okwa hingi u uka kokapale, nokukankameka ohauto, noku mu lombwela kutya itaka pitula aafaalelwa shili; ashike okwa li owala a hala a popye naye noku mu fala kaandjawo.
“Oshihakanwa osha pula omuhingi ngele oye shaathane, opo ihe omuhingi okwa yambuka po poshipundi she nokuya koshipundi shokonima hoka kwa li kwa kuutumba oshihakanwa. Okwa hula mo okotse a li a zala, nokwa hula oshihakanwa iikutu pathiminiko," Ndjadila a ti.
Okwa ti kutya ote mu tsu nombele ngele okwa kugu a kwathwe.
Omakwatonkonga
Omufekelwa okwe mu kwata koonkondo iikando oyindji no ina longitha ongumi.
“Sho a mana iilonga ye, okwa pula oshihakanwa shi ze mo mohauto ye, nopo ihe oshihakanwa osha nuka mo mohauto yaantu,” okwa ti.
Omufekelwa ina tseyika noinapu mangwa omuntu natango, ashike opolisi otayi tsikile nomakonakono.
Moshiningwanima sha yooloka, okakadhona komimvo ndatu oka hepekwa paihulo komumwayinagona gwomimvo 18 momukunda Olushika momudhingoloko gwaNdangwa. Ndjadila okwa ti oshiningwanima, shoka taku hokololwa sha ningwa mOsoondaha, 11 Auguste, opo owala sha lopotelwa opolisi omasiku ngaka.
“Otaku hokololwa oshihakanwa sha thigwa megumbo nomufekelwa pethimbo ndyoka, sho omufekelwa a hula mo ombululweya yoshihakanwa noku shi guma puukiintu washo,” okwa ti.
Ndjadila okwa ti okanona komimvo ndatu oka lombwele yinakulu kombinga yoshiningwanima, ashike oshiningwanima osha ka lopotelwa owala opolisi konale kuyina yokokanona gwomimvo 29.
– [email protected]
Opolisi oya ti oshiningwanima osha ningwa lwopotundi ontimugoyi yuusiku sho oshihakanwa sha li tashi zi kOngeleka yaPastoli Shoombe. Omukwatakanithi gwomakonakono giimbuluma mOshana, Omupevi Komufala Frederick Ndjadila, okwa hokolola kutya oshihakanwa osha lefe okataksi okatokele kaa ke na onomola yohauto yokonima nokutya oku uka (ota falwa) kOshakati.
Omukiintu okwa ti kutya omuhingi gwokataski okwe mu lombwele kutya okwa hala oku ka pitula aafaalelwa yaali mOmatando. Kakele, okwa hingi u uka kokapale, nokukankameka ohauto, noku mu lombwela kutya itaka pitula aafaalelwa shili; ashike okwa li owala a hala a popye naye noku mu fala kaandjawo.
“Oshihakanwa osha pula omuhingi ngele oye shaathane, opo ihe omuhingi okwa yambuka po poshipundi she nokuya koshipundi shokonima hoka kwa li kwa kuutumba oshihakanwa. Okwa hula mo okotse a li a zala, nokwa hula oshihakanwa iikutu pathiminiko," Ndjadila a ti.
Okwa ti kutya ote mu tsu nombele ngele okwa kugu a kwathwe.
Omakwatonkonga
Omufekelwa okwe mu kwata koonkondo iikando oyindji no ina longitha ongumi.
“Sho a mana iilonga ye, okwa pula oshihakanwa shi ze mo mohauto ye, nopo ihe oshihakanwa osha nuka mo mohauto yaantu,” okwa ti.
Omufekelwa ina tseyika noinapu mangwa omuntu natango, ashike opolisi otayi tsikile nomakonakono.
Moshiningwanima sha yooloka, okakadhona komimvo ndatu oka hepekwa paihulo komumwayinagona gwomimvo 18 momukunda Olushika momudhingoloko gwaNdangwa. Ndjadila okwa ti oshiningwanima, shoka taku hokololwa sha ningwa mOsoondaha, 11 Auguste, opo owala sha lopotelwa opolisi omasiku ngaka.
“Otaku hokololwa oshihakanwa sha thigwa megumbo nomufekelwa pethimbo ndyoka, sho omufekelwa a hula mo ombululweya yoshihakanwa noku shi guma puukiintu washo,” okwa ti.
Ndjadila okwa ti okanona komimvo ndatu oka lombwele yinakulu kombinga yoshiningwanima, ashike oshiningwanima osha ka lopotelwa owala opolisi konale kuyina yokokanona gwomimvo 29.
– [email protected]
Comments
Namibian Sun
No comments have been left on this article