Okwaa-na-iilonga hako akuke taku etitha iimbuluma – Shikongo
Iimbuluma ya longekidhwa, elongitho nayi lyiingangamithi otali etitha iimbuluma iinene
Kakukutu komatanga gopolisi yaNamibia okwa londodha oshigwana kutya iimbuluma iishona otayi vulu okukwatakanithwa nokwaa-na-iilonga, iimbuluma iinene ngaashi okuyuga kwa homatiwa nokulanditha iingangamithi ohaku etwa koshindji shi vule oluhepo.
Inspekta General gwOpolisi yaNamibia Joseph Shikongo okwiitaala kutya ondjele yiimbuluma tayi londo otayi kwatakanithwa owala onkalo yokwaana iilonga.
Pethimbo ta popitha aagundjuka moRundu mEtiyali, Shikongo okwa popi ndhika konima yoshiningwanima oshitalalatala sho omunamivo 20 a mangwa po sho taku hokololwa a tsu nokudhipaga omugameni gwomaliko kendiki lyoostola lyoRundu koold mall.
Nakusa okwa tongololwa oye omunamimvo 29 Sivamba Pius Muyambo.
Shi ikolola kepeko lyopolisi, omufekelwa okwa li ta lile pooha dhuundjugo naMuyambo, omugameni gwomaliko gwehangano lyoMyloje Security Company, okwe ya puye noku mu pula a ka lile pehala ewanawa.
Omufekelwa, ngoka taku hokololwa a geyekwa keindilo ndika, okwa pweya mo ombele ye yokapi nokutsa Muyambo mothingo, noku sa.
Iiyetithi ya kitakana
Shikongo okwa koleke kutya nonande okwaa-na-iilonga ohaku dhana onkandangala mokweetitha iimbuluma iishona, oshili yoyene oya kitakana unene.
“Shika kashi shi shi owala kombinga yokwaana iilonga. Ee, okwaa-na-iilonga otashi vulika ku thiminike omuntu a ka yake omboloto mostola, ihe iimbuluma ya longekidhwa nelongitho nayi lyiingangamitha nolyiikolitha otali etitha iimbuluma mbyoka iinene oyindji. Mbyoka oyo iiyetithi yolela twa pumbwa okuungaunga nayo,” okwa ti.
Omanga iimbuluma iishona ngaashi okuyaka moostola otayi vulu okukwatakanithwa niiyetithi yu uvitike ko, okwa ti iimbuluma iinene ngaashi okuyuga kwa homatiwa nokulanditha iingangamithi ohaku etithwa koshindji kashi shi koluhepo aluke.
“Yamwe otashi vulika tu uve uukwawo wankali pamwe nomuvali omugundjuka ta yaka opo a paluthe okamwana, ashike inatu ipulitha kutya shika tashi etitha okuyuga kwa homatiwa nokuteya omagumbo tu wete notu uvite. Ndhika oonkambadhala dhoongangala ndhoka hadhi ikuthile iinima yaantu. Itatu vulu okukyatela pevi iimbuluma molwa okwaa na iilonga. Ngele osho sha li ngawo, kehe omuntu kee na iilonga ota ka ninga ombudhi, naashoka kashi shi oshili nande,” okwa gwedha po.
“Uuna mwa mono omuntu ta yaka oongodhi nokuyi landitha owala koodola N$200, hamolwaashoka okwa pumbwa oshimaliwa opo a hupe; oshaashi okwa hala okunwa omalovu nenge iingangamithi. Shika itashi etithwa nande kokwaa-na-iilonga,” okwa ti.
Shikongo okwa popi kombinga yonkalo yiimbuluma ya longekidhwa, okwa londodha oshigwana kutya iimbuluma ngaashi okuyakulwa iinima momapandaanda nokuteya oohauto dhaantu okwa vuka nayi, unenene moondjila oonene ngaashi Ovenduka sigo Katima Mulilo nokoZambia.
Eputudho
Shikongo okwa ti nashi hule okwiipopila nokwaa-na- iilonga nokutameka okuungaunga niiyetithi yolela.
“Oongangala otadhi tula mokatoo aagundjuka noongangala ndhika nadhi mangwe.”
Shikongo okwiindile wo aavali ya kala ya tonate mokuputudha omaluvalo gawo. “Aavali, popyeni naanona yeni. Ngele oye li kohi yoomvula 18, inaya pumbwa okuya koondingosho nokooklaba. Ooveta dhetu odha yela: kehe ngoka e li kohi yoomvula 18 ina pumbwa okukala momahala ngoka. Itatu vulu owala okukala twa ligamena kaapolisi nokaagameni yomaliko opo ya tule po elandulathano ndyoka li na okutamekela komagumbo.”
“Omiyonena ihadhi ilongekidhilwa, noitatu vulu okudhi kondolola. Ihe natu tameke okutsa oshimpwiyu, momagumbo getu, momidhingoloko dhetu, nomooveta dhetu. Inatu ipopila we natu tameke okuungaunga niiyetithi yolela twe yi ukilila,” okwa gwedha po.
Omulongwa poskola yaRundu Secondary School Salaka Danielson okwa dhenge omuthindo keihumbato lyaavali.
“Olundji, aavali haya nu omalovu ohaya pe oyana ya nwe mo. Oto adha okanona ka kuutumba nahe nenge nayina, nomuvali oye tuu ngoka oye ta nwitha okanona omalovu. Shika otashi pulitha epulo: Eihumbato lyoludhi lwa tya ngiini omuvali ta longo omwana?”
[email protected]
Pethimbo ta popitha aagundjuka moRundu mEtiyali, Shikongo okwa popi ndhika konima yoshiningwanima oshitalalatala sho omunamivo 20 a mangwa po sho taku hokololwa a tsu nokudhipaga omugameni gwomaliko kendiki lyoostola lyoRundu koold mall.
Nakusa okwa tongololwa oye omunamimvo 29 Sivamba Pius Muyambo.
Shi ikolola kepeko lyopolisi, omufekelwa okwa li ta lile pooha dhuundjugo naMuyambo, omugameni gwomaliko gwehangano lyoMyloje Security Company, okwe ya puye noku mu pula a ka lile pehala ewanawa.
Omufekelwa, ngoka taku hokololwa a geyekwa keindilo ndika, okwa pweya mo ombele ye yokapi nokutsa Muyambo mothingo, noku sa.
Iiyetithi ya kitakana
Shikongo okwa koleke kutya nonande okwaa-na-iilonga ohaku dhana onkandangala mokweetitha iimbuluma iishona, oshili yoyene oya kitakana unene.
“Shika kashi shi shi owala kombinga yokwaana iilonga. Ee, okwaa-na-iilonga otashi vulika ku thiminike omuntu a ka yake omboloto mostola, ihe iimbuluma ya longekidhwa nelongitho nayi lyiingangamitha nolyiikolitha otali etitha iimbuluma mbyoka iinene oyindji. Mbyoka oyo iiyetithi yolela twa pumbwa okuungaunga nayo,” okwa ti.
Omanga iimbuluma iishona ngaashi okuyaka moostola otayi vulu okukwatakanithwa niiyetithi yu uvitike ko, okwa ti iimbuluma iinene ngaashi okuyuga kwa homatiwa nokulanditha iingangamithi ohaku etithwa koshindji kashi shi koluhepo aluke.
“Yamwe otashi vulika tu uve uukwawo wankali pamwe nomuvali omugundjuka ta yaka opo a paluthe okamwana, ashike inatu ipulitha kutya shika tashi etitha okuyuga kwa homatiwa nokuteya omagumbo tu wete notu uvite. Ndhika oonkambadhala dhoongangala ndhoka hadhi ikuthile iinima yaantu. Itatu vulu okukyatela pevi iimbuluma molwa okwaa na iilonga. Ngele osho sha li ngawo, kehe omuntu kee na iilonga ota ka ninga ombudhi, naashoka kashi shi oshili nande,” okwa gwedha po.
“Uuna mwa mono omuntu ta yaka oongodhi nokuyi landitha owala koodola N$200, hamolwaashoka okwa pumbwa oshimaliwa opo a hupe; oshaashi okwa hala okunwa omalovu nenge iingangamithi. Shika itashi etithwa nande kokwaa-na-iilonga,” okwa ti.
Shikongo okwa popi kombinga yonkalo yiimbuluma ya longekidhwa, okwa londodha oshigwana kutya iimbuluma ngaashi okuyakulwa iinima momapandaanda nokuteya oohauto dhaantu okwa vuka nayi, unenene moondjila oonene ngaashi Ovenduka sigo Katima Mulilo nokoZambia.
Eputudho
Shikongo okwa ti nashi hule okwiipopila nokwaa-na- iilonga nokutameka okuungaunga niiyetithi yolela.
“Oongangala otadhi tula mokatoo aagundjuka noongangala ndhika nadhi mangwe.”
Shikongo okwiindile wo aavali ya kala ya tonate mokuputudha omaluvalo gawo. “Aavali, popyeni naanona yeni. Ngele oye li kohi yoomvula 18, inaya pumbwa okuya koondingosho nokooklaba. Ooveta dhetu odha yela: kehe ngoka e li kohi yoomvula 18 ina pumbwa okukala momahala ngoka. Itatu vulu owala okukala twa ligamena kaapolisi nokaagameni yomaliko opo ya tule po elandulathano ndyoka li na okutamekela komagumbo.”
“Omiyonena ihadhi ilongekidhilwa, noitatu vulu okudhi kondolola. Ihe natu tameke okutsa oshimpwiyu, momagumbo getu, momidhingoloko dhetu, nomooveta dhetu. Inatu ipopila we natu tameke okuungaunga niiyetithi yolela twe yi ukilila,” okwa gwedha po.
Omulongwa poskola yaRundu Secondary School Salaka Danielson okwa dhenge omuthindo keihumbato lyaavali.
“Olundji, aavali haya nu omalovu ohaya pe oyana ya nwe mo. Oto adha okanona ka kuutumba nahe nenge nayina, nomuvali oye tuu ngoka oye ta nwitha okanona omalovu. Shika otashi pulitha epulo: Eihumbato lyoludhi lwa tya ngiini omuvali ta longo omwana?”
[email protected]
Comments
Namibian Sun
No comments have been left on this article