Maak jouself só tuis

Die gasvryheidsbedryf gaan daaroor om ’n gemaklike omgewing vir gaste te skep, en hierdie maatskappy maak dit sy missie om hotelle, gastehuise en lodges te voorsien van alles wat hulle nodig het.

Hospitality Textiles Supplies CC is al meer as ’n dekade in bedryf en in daardie tyd het dit ’n integrale deel van die gasvryheidsbedryf geword wat alles van linne tot klein bykomstighede verskaf.

In ’n onlangse onderhoud het verkoopspersoon Toini Komeha gesê die maatskappy verskaf alles vir hotelkamers, “van handdoeke tot meubels.”

Die maatskappy voorsien ook tee, koffie, lyfseep, lyfroom, eetgerei en breekware asook bykomstighede en toebehore soos swembadstoele, swembadsambrele, mini-yskaste, bedlampies, bedkassies, kunsmatige plante en spieëls.

Op ’n vraag oor hul borduurwerkafdeling, het Komeha gesê dit word deur kliënte gebruik om handelsmerke by produkte te borduur.

Hospitality Textiles Supplies CC is trots daarop om gehalte produkte en uitstekende diens aan sy kliënte te lewer.

Volgens Komeha, wanneer ondernemings by hulle koop, kan hulle vinnige aflewering en voorraad verwag wat altyd beskikbaar is. “Ons laat kliënte nie wag nie, tensy dit hoeveelhede is wat ons nie in voorraad kan aanhou het nie,” het sy gesê.

Die maatskappy het die afgelope tien jaar aansien verwerf vir uitstekende diens en het reeds saam met verskeie bekende hotelle en lodges gewerk. “Om ’n paar te noem, ons het gewerk saam met die Avani Hotel, Strand Hotel, Arebbusch Travel Lodge en baie ander lodges buite Windhoek,” het sy gesê.

Hospitality Textiles Supplies CC is dalk nie in die kollig nie, maar dit is beslis die onbesonge held van die gasvryheidsbedryf, wat ’n integrale rol speel in die skep van onvergeetlike ervarings vir gaste wat dit steeds doen met sy toewyding aan kwaliteit produkte en uitstekende diens.

Geleë te Palladiumstraat 32 in Windhoek se Prosperita, kan Hospitality Textiles Supplies CC by 061 302 778 bereik word.