Oopoloyeka dhiikunino yepangelo dha taalela omikundu
Ompumbwe yiiyemo tayi dhana onkandangala
Ompumbwe yiiyemo, ekateko lyetulo miilonga lyomanenedhilaadhilo, omahwahwameko nondilo yolusheno oyimwe yomomaupyakadhi ga taalela oopoloyeka dhiikunino yepangelo.
Uuyelele mboka owa hololwa kolopota yoparliamentary standing committee on agriculture, environment and natural resources sha landula etalelepo lya ningilwa iikunono mbyoka moshitopolwa shaKavango East oshowo Kavango West.
Etalelepo ndyoka olya ningwa pokati komasiku 30 gaAguste sigo omasiku gaali gaSepetemba nuumvo, nolopota oya hololelwa Omutumba gwOpashigwana oshiwike shika.
Momvula yo 2020 okomitiye tayi ithanwa National council committee on urban and rural development oya talelepo oShadikongoro, Ndonga Linena, Sikondo, Musese oshowo Mashare green schemes.
Etalelepo ndyoka olya li lya nuninwa okutala onkalo moka tamu adhika iikunino mbyoka.
Okomitiye oya nongele kutya omaupyakadhi ngoka kwa dhidhilikwa ga taalela iikunino mbyoka momvula yo 2020 inaga kandulwapo.
Ompumbwe yomayambidhidho giiyemo okuza kepangelo oyo unene ya taalela iikunino mbyoka.
Oomenindjela yiikunino oya lombwele iilyo yokomitiye mbyoka kutya iikunino mbyoka oya li yeshi pondola nawa kohi yetonatelo lyepangelo ihe konima nkene ekondololo lyiikunino mbyoka lya tulwa kohi yoBusiness Development Agency (Agribusdev) onga omugandji gwomayakulo iikunino mbyoka oya gu pevi noonkondo.
Mboka oya holola woo omaiyuvo gawo kombinga yomathaneko gepangelo okutula ekondololo lyiikunino mbyoka kohi yetonatelo lyoshikondo shopaumwene, taya popi kombinga yuutile wekanitho lyoompito dhawo dhiilonga.
Shoka sha monikapo
PoShadikongoro Green Scheme, oohecta dhevi dha thika po 390 odha monika kutya odhili nawa nokulonga, moka oohecta 300 tadhi longithwa andola pamalanditho omanga oohecta 90 dhaanafaalama aashona. Oshikunino shoka otashi longwa epungu etokele, iilya oshowo oongala dhetango. Nonando ongaaka pethimbo okomitiye ndjoka ya talelepo oshikunino shoka oya mono kutya oohecta owala 90 dhoka dha kunwa iilya ya nuninwa omalanditho omanga oohecta 16,9 tadhi longithwa kaanafaalama aashona.
Okomitiye oya tseyithilwa kutya ondilo yolusheno oshowo omulandu tagu ende kashona okutula miilonga omilandu dhepangelo yimwe yomwaambyoka tayi shunithwa pevi iilonga miikunino mbyoka.
"Agro-Marketing and Trade Agency (AMTA) itaya longo shomupondo okulanda iilongomwa okuza kiikunino nongele oya landa ohaya landa omwaalu omushona lela tashi etitha iilongomwa mbyoka yihepele moompungulilo."
Ndonga Linena
Ndonga Linena oku na oohecta dhevi dhuunene wo 678 moka mwakwatelwa oohecta 427 dhopangeshefa oshowo oohecta 174 dhaanafaalama aashona noohecta 80 odhanafaalama mboka yopokati. Nonando ongaaka ofaalama ndjoka oya thikama owala na kape na iilonga uule woomvula ne monena, omolwa ompumbwe yiiyemo okuza kepangelo noshitaasi shokupomba omeya shoka sha teka.
Sikondo Green Scheme
Pethimbo okomitiye ya talele po ehala ndyoka oohecta 110 dhevi odha adhika dha kunwa iilya na okwa li kwa tegelelwa eteyo li ningwe petameko lyaKotomba. Oonyanga, omatama noomboga oya kunwa woo yi vule okukwathela mokweeta po iiyemo. Ondilo yolusheno nompumbwe yomalandithilo oyimwe tayi shunitha pevi oshikunino shoka.
Mashare Green Scheme
Ofaalama ndjika otayi kondololwa paumwene na oya adhika tayi longo okuudha.
Ohayi tumu pondje yoshilongo iilongomwa yawo momalanditho ngaashi Europe, Middle East naIndia. Opoloyeka oya kuta miilonga aaniilonga aakiintu ye li pokati ko 500 no 700.
Musese Green Scheme
Oohecta dha thika po 530 dhomoohecta 650 odha adhika tadhi longo pethimbo kwa ningwa omatalelepo ngoka. Ompumbwe yomalanditho nondilo yolusheno oyo uupyakadhi wa taalela oshikunino shoka.
Okomitiye oya gandja omagwedhelepo ngaashi okutula miilonga elongitho lyolusheno lwoonte dhepang, okugandja iiyemo oshowo okuhwepopaleka iipumbiwa mompango yelando lyiinima mepangelo nokutula momake gomalelo giitopolwa elelo lyiikunino mbyoka.
Etalelepo ndyoka olya ningwa pokati komasiku 30 gaAguste sigo omasiku gaali gaSepetemba nuumvo, nolopota oya hololelwa Omutumba gwOpashigwana oshiwike shika.
Momvula yo 2020 okomitiye tayi ithanwa National council committee on urban and rural development oya talelepo oShadikongoro, Ndonga Linena, Sikondo, Musese oshowo Mashare green schemes.
Etalelepo ndyoka olya li lya nuninwa okutala onkalo moka tamu adhika iikunino mbyoka.
Okomitiye oya nongele kutya omaupyakadhi ngoka kwa dhidhilikwa ga taalela iikunino mbyoka momvula yo 2020 inaga kandulwapo.
Ompumbwe yomayambidhidho giiyemo okuza kepangelo oyo unene ya taalela iikunino mbyoka.
Oomenindjela yiikunino oya lombwele iilyo yokomitiye mbyoka kutya iikunino mbyoka oya li yeshi pondola nawa kohi yetonatelo lyepangelo ihe konima nkene ekondololo lyiikunino mbyoka lya tulwa kohi yoBusiness Development Agency (Agribusdev) onga omugandji gwomayakulo iikunino mbyoka oya gu pevi noonkondo.
Mboka oya holola woo omaiyuvo gawo kombinga yomathaneko gepangelo okutula ekondololo lyiikunino mbyoka kohi yetonatelo lyoshikondo shopaumwene, taya popi kombinga yuutile wekanitho lyoompito dhawo dhiilonga.
Shoka sha monikapo
PoShadikongoro Green Scheme, oohecta dhevi dha thika po 390 odha monika kutya odhili nawa nokulonga, moka oohecta 300 tadhi longithwa andola pamalanditho omanga oohecta 90 dhaanafaalama aashona. Oshikunino shoka otashi longwa epungu etokele, iilya oshowo oongala dhetango. Nonando ongaaka pethimbo okomitiye ndjoka ya talelepo oshikunino shoka oya mono kutya oohecta owala 90 dhoka dha kunwa iilya ya nuninwa omalanditho omanga oohecta 16,9 tadhi longithwa kaanafaalama aashona.
Okomitiye oya tseyithilwa kutya ondilo yolusheno oshowo omulandu tagu ende kashona okutula miilonga omilandu dhepangelo yimwe yomwaambyoka tayi shunithwa pevi iilonga miikunino mbyoka.
"Agro-Marketing and Trade Agency (AMTA) itaya longo shomupondo okulanda iilongomwa okuza kiikunino nongele oya landa ohaya landa omwaalu omushona lela tashi etitha iilongomwa mbyoka yihepele moompungulilo."
Ndonga Linena
Ndonga Linena oku na oohecta dhevi dhuunene wo 678 moka mwakwatelwa oohecta 427 dhopangeshefa oshowo oohecta 174 dhaanafaalama aashona noohecta 80 odhanafaalama mboka yopokati. Nonando ongaaka ofaalama ndjoka oya thikama owala na kape na iilonga uule woomvula ne monena, omolwa ompumbwe yiiyemo okuza kepangelo noshitaasi shokupomba omeya shoka sha teka.
Sikondo Green Scheme
Pethimbo okomitiye ya talele po ehala ndyoka oohecta 110 dhevi odha adhika dha kunwa iilya na okwa li kwa tegelelwa eteyo li ningwe petameko lyaKotomba. Oonyanga, omatama noomboga oya kunwa woo yi vule okukwathela mokweeta po iiyemo. Ondilo yolusheno nompumbwe yomalandithilo oyimwe tayi shunitha pevi oshikunino shoka.
Mashare Green Scheme
Ofaalama ndjika otayi kondololwa paumwene na oya adhika tayi longo okuudha.
Ohayi tumu pondje yoshilongo iilongomwa yawo momalanditho ngaashi Europe, Middle East naIndia. Opoloyeka oya kuta miilonga aaniilonga aakiintu ye li pokati ko 500 no 700.
Musese Green Scheme
Oohecta dha thika po 530 dhomoohecta 650 odha adhika tadhi longo pethimbo kwa ningwa omatalelepo ngoka. Ompumbwe yomalanditho nondilo yolusheno oyo uupyakadhi wa taalela oshikunino shoka.
Okomitiye oya gandja omagwedhelepo ngaashi okutula miilonga elongitho lyolusheno lwoonte dhepang, okugandja iiyemo oshowo okuhwepopaleka iipumbiwa mompango yelando lyiinima mepangelo nokutula momake gomalelo giitopolwa elelo lyiikunino mbyoka.
Comments
Namibian Sun
No comments have been left on this article