Aakongo yaa li paveta ya londodhwa otaa si
Opolisi oya londodha aakongo yaa li paveta ya yande okuumbathana komatanga taga kondjitha uunongo waa li paveta
Omatanga gokukondjitha uunongo waa li paveta otaga longele kumwe nomalelo gopamuthigululwakalo ga ungaunge nomiyalu tadhi londo dhuukongo waa li paveta mEtosha National Park.
Komanda gwOpolisi moshitopolwa shaShikoto Komufala Teopolina Kalompo-Nashikaku okwa londodha aakongo yaa li paveta, ta ti ohaa tula oomwenyo dhawo moshiponga mokuumbathana nomatanga taga kondjitha uukongo waa li paveta.
Okwa londodha kutya aanambelewa oyi itula mo mokugamenena po uushitwe woshilongo shetu nokwa ti aakongo yaa li paveta ohaa tula oomwenyo dhawo moshiponga ngele yu umbathana naapolisi naakwiita ya pewa oshinakugwanithwa shokupopila iiyamakuti..
Okwa ti uuministeli wegameno nowomidhingoloko, opamwe nopolisi, oya tsikila nokulongela kumwe moonkambadhala dhokuhulitha po uukongo waa li paveta, ashike nonande “oshiyemateka unene noonkondo” uuna momaumbathano tamu kanene oomwenyo, aakwiita naapolisi otaa yamukula uuna ya umbwa kaakongo yaa li paveta.
“Ito vulu okuumba aantu ya dheulilwa okuumba. Owa dhina oveta noitatu ke shi idhidhimikila. Otatu ke ku kwathela wu shune komushiti gwoye,” okwa ti.
Kalompo-Nashikaku okwa popi ndhika mEtitatu lyoshiwike sha zi ko moonkundathana nangoloneya gwaShana Elia Irimari opamwe nookamunsela naaleli yopamuthigululwakalo, oonkundathana odha li kombinga yokukondjitha iimbuluma yiithitukuti mOshikunino shiinamwenyo shEtosha nopomidhingoloko dhopopepi.
Ngashingeyi Kalompo-Nashikaku oku li komanda e na ombandi yoshingoli moshikunino shiinamwenyo, opoosa hayi taambathanwa konima yoomwedhi hamano. Okwa ulikwa muMaalitsa, noshikako she otashi hulu muSeptemba.
Okukonga omakwatho
Okwa holola omaipulo ge kombinga yekoko lyuukongo waa li paveta.
Oompanda dha konda 30 odha dhipagwa shaa li paveta pokati kaJanuali naJuni, naantu 42 oya mangwa po mekwatathano niimbuluma mbika.
“Mokati kaamboka ya mangwa po, yamwe aakwashigwana yAngola, nayalwe Aanamibia," okwa ti, okwa gwedha po wo kutya iipotha oyindji ya lopotwa oya ningilwa mEtosha nenge momikunda dhopopepi mOshitopolwa shaShana, moka aantu haa holoma manga inaaya moshikunino shiinamwenyo.
Kalompo-Nashikaku okwa ndhindhilike kutya molwaashoka oshitopolwa shaShana osha palathana oongamba nomalelo gopamuthigululwakalo gaali – Ondonga nUukwambi – nolyo ehala ndyoka aakongo yaa li paveta haa holama manga inaa ya ya mEtosha, oya tokola ya ye komalelo ngaka gopamuthigululwakalo gaali opo ya longele kumwe mokukonga ekandulupo lyomukundu guukongo waa li paveta.
“Otwa hala aanahambo ya kwatathane naakwiita naapolisi opo ekondololo li ninge epu,” okwa ti.
Kamunsela gwoshikandjohogololo Uukwiyu-Uushona Andreas Amundjindi okwa ti aakongo yamwe yaa li paveta "oya mana oondjenda dhawo" ongoshizemo shomaumbathano nopolisi.
“Aakongo mbaka yaa li paveta oye na ngoka haa longele kumwe naye moshikunino. Ope na okukala pe na gumwe moshikunino ta longele kumwe naakongo yaa li paveta," Amundjindi okwa ti, okwiipula nkene aakongo yaa li paveta haa kala ye shi nawa mpoka pe na oompanda nuunake ye na okudhi ponokela sho pwaa na omukwiita nenge omupolisi.
– [email protected]
Okwa londodha kutya aanambelewa oyi itula mo mokugamenena po uushitwe woshilongo shetu nokwa ti aakongo yaa li paveta ohaa tula oomwenyo dhawo moshiponga ngele yu umbathana naapolisi naakwiita ya pewa oshinakugwanithwa shokupopila iiyamakuti..
Okwa ti uuministeli wegameno nowomidhingoloko, opamwe nopolisi, oya tsikila nokulongela kumwe moonkambadhala dhokuhulitha po uukongo waa li paveta, ashike nonande “oshiyemateka unene noonkondo” uuna momaumbathano tamu kanene oomwenyo, aakwiita naapolisi otaa yamukula uuna ya umbwa kaakongo yaa li paveta.
“Ito vulu okuumba aantu ya dheulilwa okuumba. Owa dhina oveta noitatu ke shi idhidhimikila. Otatu ke ku kwathela wu shune komushiti gwoye,” okwa ti.
Kalompo-Nashikaku okwa popi ndhika mEtitatu lyoshiwike sha zi ko moonkundathana nangoloneya gwaShana Elia Irimari opamwe nookamunsela naaleli yopamuthigululwakalo, oonkundathana odha li kombinga yokukondjitha iimbuluma yiithitukuti mOshikunino shiinamwenyo shEtosha nopomidhingoloko dhopopepi.
Ngashingeyi Kalompo-Nashikaku oku li komanda e na ombandi yoshingoli moshikunino shiinamwenyo, opoosa hayi taambathanwa konima yoomwedhi hamano. Okwa ulikwa muMaalitsa, noshikako she otashi hulu muSeptemba.
Okukonga omakwatho
Okwa holola omaipulo ge kombinga yekoko lyuukongo waa li paveta.
Oompanda dha konda 30 odha dhipagwa shaa li paveta pokati kaJanuali naJuni, naantu 42 oya mangwa po mekwatathano niimbuluma mbika.
“Mokati kaamboka ya mangwa po, yamwe aakwashigwana yAngola, nayalwe Aanamibia," okwa ti, okwa gwedha po wo kutya iipotha oyindji ya lopotwa oya ningilwa mEtosha nenge momikunda dhopopepi mOshitopolwa shaShana, moka aantu haa holoma manga inaaya moshikunino shiinamwenyo.
Kalompo-Nashikaku okwa ndhindhilike kutya molwaashoka oshitopolwa shaShana osha palathana oongamba nomalelo gopamuthigululwakalo gaali – Ondonga nUukwambi – nolyo ehala ndyoka aakongo yaa li paveta haa holama manga inaa ya ya mEtosha, oya tokola ya ye komalelo ngaka gopamuthigululwakalo gaali opo ya longele kumwe mokukonga ekandulupo lyomukundu guukongo waa li paveta.
“Otwa hala aanahambo ya kwatathane naakwiita naapolisi opo ekondololo li ninge epu,” okwa ti.
Kamunsela gwoshikandjohogololo Uukwiyu-Uushona Andreas Amundjindi okwa ti aakongo yamwe yaa li paveta "oya mana oondjenda dhawo" ongoshizemo shomaumbathano nopolisi.
“Aakongo mbaka yaa li paveta oye na ngoka haa longele kumwe naye moshikunino. Ope na okukala pe na gumwe moshikunino ta longele kumwe naakongo yaa li paveta," Amundjindi okwa ti, okwiipula nkene aakongo yaa li paveta haa kala ye shi nawa mpoka pe na oompanda nuunake ye na okudhi ponokela sho pwaa na omukwiita nenge omupolisi.
– [email protected]
Comments
Namibian Sun
No comments have been left on this article