Ooskola moshikandjolongo shaLuno dha kaleka omakonakono omolwa iimaliwa
Ooskola dha lombwelwa dhigandje ootutsa
Neyambidhidhidho lyomulongwa mooprimaskola N$300 komumvo, ooskola otadhi nana nondatu.
Oshikandjolongo shaLuno mOshitopolwa shaShana osha kaleke omakonakono gaMei naJuni pamuthika gwoshikandjongolongo molwa iiniwe.
Ombilive yesiku 13 Mei ya nyolelwa aakuluntuskola ayehe, ooyene yiikondo naalongi, omutaleliskola ta kwathele moshikandjolongo shaLuno Elvi Wapota okwa ti okakomitiye komakonakono moshikandjolongo oka tokola kutya, peha lyomakonakono mOluno, ooskola adhihe otadhi ka nyola ootutsu dhawo yene pethimbo lyo opala. Moshikandjolongo Oluno omu na ooskola 36 – 27 ooskola dhepangelo.
Wapota okwa ti aakuluntuskola ayehe naakuluntu yiikondo naa kwashilipalekwa kutya ootutsu adhihe odhongushu. Okwa gwedha po kutya omakonakono ga stelwa pamuthika gwoshikandjolongo otaga pungulwa ga ka longithe omumvo tagu ya.
“Ooskola adhihe odha tegelelwa dhi gandje oonzapo kaalongwa pehulilo lyoshikako. Ooskola otadhi indilwa dhi kwashilipaleke ethimbo lya gwana olya longithwa mokulonga,” okwa ti.
Wapota okwa ti ootutsu otadhi ka pingena po omakonakono ga kalekwa.
Omulandu gwiikako iyali
Ta popi naNamibian Sun ohela, amushanga omukuluntu muuministeli welongo Sanet Steenkamp okwa ti kutya omakonakono inaga kalekwa, ohaga ithanwa owala ‘ootutsu’.
Ngashingeyi, ohaa longitha okaliindeli kiikako iyali, okwa fatulula.
Okwa gwedha po kutya oye li moonkundathana dha kwata miiti dhi nasha nokaliindeli ko2025.
Nomulandu gwiikako iyali, uuministeli owa eta po ootutsu dhopehulilo lyoshikako, Steenkamp a ti.
“Shika otashi ti ihau ithanwa omakonakono. Aalongwa okuza mondondo ontine sigo ondondo ontimugoyi, otaa ka nyola ootutsu. Otutsu yowili yimwe. Konima yotutsu, otwa tegelela elongo li tsikile,” okwa ti.
“Inaku tegelelwa aalongwa yaa pewe iithigilwalonga. Ootutsu ndhika otadhi kwatha mokulongekidha oonzapo nokupa aavali omayamukulo, opo yu uve ko eyokomeho( onkalo) lyaanona yawo ,” okwa dhenge omuthindo, ta gwedha pokutya ootutsu inadhi kala oompu, ihe nadhi konakone shili ngele aalongwa oya pyokoka.
Etokolo lya kwata miiti
Steenkamp okwa ti ngaashi omauministeli galwe gepangelo, ohaa pewa ontenengekothaneko ya topolele iitopolwa.
Nuumvo, oya kutha etokolo lya kwata miiti ya tume eyambidhidho kooskola kokwene, okwa ti.
“Ihatu tume we eyambidhidho ooprimaskola noosekondele dhetu dhi yambidhidhwe okuziilila kiitopolwa. Ohatu pewa omikanda adhihe dha gwana po kooskola nomayalulilombaanga gadho, ohatu pewa ookode dhoonakugandja omayakulo okuza kuuministeli wiimaliwa, notwa tameka iilonga yetu muApilili,” okwa ti.
Mooskola dhepangelo 1 760 moshilongo ashihe, ooskola 1 100 ohadhi yambidhidhwa meukililo kuuministeli, amushanga omukuluntu a ti.
“Otaa ka mona eyambidhidho lyawo li ihwa po. Oshikwawo, otaa ka mona, iimaliwa yiilongwa yokomake. Otaa ka mona N$15 dhuuyogoki mokanona kehe.”
Steenkamp okwa ti oya pula aakuluntuskola ya kwashilipaleke oshititatu shimwe shontengenekothaneko otashi ka longithwa momumvo gwelongo tagu landula, sigo omumvo gwoshimaliwa gwa landula gwa tameke muMaalitsa.
“Omalelonongelo naakuluntuskola naa kwate oshimaliwa nawa opo shaa pwe po ashihe muDesemba. Mu Januali/Febuluali, naa kale nokamaliwa oshoka otaa ka mona oshimaliwa muApilili naMei,” okwa ti.
Momumvo gwelongo 2024, oshimaliwa shokuyambidhidha omulongwa osha gwedhwa neN$100. Shika otashi ti aalongwa kookinda nooprimaskola oya pewa N$300 komumvo , omanga aalongwa koosekondele oya pewa N$400 nomulongwa kehe.
Eyambidhidho lyooprimaskola nomandikiskola, nenge oonguluskola dhi na onzo, N$1 500 momulongwa kehe, omanga omandikiskola goosekondele, nenge oonguluskola dhi na oonzo, odhi li poN$2 000 momulongwa.
Steenkamp okwa ti iimaliwa ya tuminwa iilongwa yokomake noyopaungomba nayi longithwe manga 31 Juli inaga adha.
Olyo elalakano lyuuministeli okumanitha oprosesa yetumo lyoshimaliwa mo31 Mei, shoka tashi ka kala oshindji, notashi tumwa lumwe aluke.
– [email protected]
Ombilive yesiku 13 Mei ya nyolelwa aakuluntuskola ayehe, ooyene yiikondo naalongi, omutaleliskola ta kwathele moshikandjolongo shaLuno Elvi Wapota okwa ti okakomitiye komakonakono moshikandjolongo oka tokola kutya, peha lyomakonakono mOluno, ooskola adhihe otadhi ka nyola ootutsu dhawo yene pethimbo lyo opala. Moshikandjolongo Oluno omu na ooskola 36 – 27 ooskola dhepangelo.
Wapota okwa ti aakuluntuskola ayehe naakuluntu yiikondo naa kwashilipalekwa kutya ootutsu adhihe odhongushu. Okwa gwedha po kutya omakonakono ga stelwa pamuthika gwoshikandjolongo otaga pungulwa ga ka longithe omumvo tagu ya.
“Ooskola adhihe odha tegelelwa dhi gandje oonzapo kaalongwa pehulilo lyoshikako. Ooskola otadhi indilwa dhi kwashilipaleke ethimbo lya gwana olya longithwa mokulonga,” okwa ti.
Wapota okwa ti ootutsu otadhi ka pingena po omakonakono ga kalekwa.
Omulandu gwiikako iyali
Ta popi naNamibian Sun ohela, amushanga omukuluntu muuministeli welongo Sanet Steenkamp okwa ti kutya omakonakono inaga kalekwa, ohaga ithanwa owala ‘ootutsu’.
Ngashingeyi, ohaa longitha okaliindeli kiikako iyali, okwa fatulula.
Okwa gwedha po kutya oye li moonkundathana dha kwata miiti dhi nasha nokaliindeli ko2025.
Nomulandu gwiikako iyali, uuministeli owa eta po ootutsu dhopehulilo lyoshikako, Steenkamp a ti.
“Shika otashi ti ihau ithanwa omakonakono. Aalongwa okuza mondondo ontine sigo ondondo ontimugoyi, otaa ka nyola ootutsu. Otutsu yowili yimwe. Konima yotutsu, otwa tegelela elongo li tsikile,” okwa ti.
“Inaku tegelelwa aalongwa yaa pewe iithigilwalonga. Ootutsu ndhika otadhi kwatha mokulongekidha oonzapo nokupa aavali omayamukulo, opo yu uve ko eyokomeho( onkalo) lyaanona yawo ,” okwa dhenge omuthindo, ta gwedha pokutya ootutsu inadhi kala oompu, ihe nadhi konakone shili ngele aalongwa oya pyokoka.
Etokolo lya kwata miiti
Steenkamp okwa ti ngaashi omauministeli galwe gepangelo, ohaa pewa ontenengekothaneko ya topolele iitopolwa.
Nuumvo, oya kutha etokolo lya kwata miiti ya tume eyambidhidho kooskola kokwene, okwa ti.
“Ihatu tume we eyambidhidho ooprimaskola noosekondele dhetu dhi yambidhidhwe okuziilila kiitopolwa. Ohatu pewa omikanda adhihe dha gwana po kooskola nomayalulilombaanga gadho, ohatu pewa ookode dhoonakugandja omayakulo okuza kuuministeli wiimaliwa, notwa tameka iilonga yetu muApilili,” okwa ti.
Mooskola dhepangelo 1 760 moshilongo ashihe, ooskola 1 100 ohadhi yambidhidhwa meukililo kuuministeli, amushanga omukuluntu a ti.
“Otaa ka mona eyambidhidho lyawo li ihwa po. Oshikwawo, otaa ka mona, iimaliwa yiilongwa yokomake. Otaa ka mona N$15 dhuuyogoki mokanona kehe.”
Steenkamp okwa ti oya pula aakuluntuskola ya kwashilipaleke oshititatu shimwe shontengenekothaneko otashi ka longithwa momumvo gwelongo tagu landula, sigo omumvo gwoshimaliwa gwa landula gwa tameke muMaalitsa.
“Omalelonongelo naakuluntuskola naa kwate oshimaliwa nawa opo shaa pwe po ashihe muDesemba. Mu Januali/Febuluali, naa kale nokamaliwa oshoka otaa ka mona oshimaliwa muApilili naMei,” okwa ti.
Momumvo gwelongo 2024, oshimaliwa shokuyambidhidha omulongwa osha gwedhwa neN$100. Shika otashi ti aalongwa kookinda nooprimaskola oya pewa N$300 komumvo , omanga aalongwa koosekondele oya pewa N$400 nomulongwa kehe.
Eyambidhidho lyooprimaskola nomandikiskola, nenge oonguluskola dhi na onzo, N$1 500 momulongwa kehe, omanga omandikiskola goosekondele, nenge oonguluskola dhi na oonzo, odhi li poN$2 000 momulongwa.
Steenkamp okwa ti iimaliwa ya tuminwa iilongwa yokomake noyopaungomba nayi longithwe manga 31 Juli inaga adha.
Olyo elalakano lyuuministeli okumanitha oprosesa yetumo lyoshimaliwa mo31 Mei, shoka tashi ka kala oshindji, notashi tumwa lumwe aluke.
– [email protected]
Comments
Namibian Sun
No comments have been left on this article